一個人食飯容易出事？！日本研究：容易患抑鬱症兼早死同有伴一齊食飯高

仲有幾日就白色情人節喇！又係一街情侶放閃嘅大日子，相信依日唔少單身人士都會選擇留喺屋企，以免被閃親呀！

Photo from shutterstock

不過日本東京大學營養學就進行咗一項關於飲食行為嘅研究，指出一個人吃飯嘅死亡風險，比同別人一起吃飯高1.5倍，而抑鬱症發病機率更係2.7倍！

Photo from jages

研究主要調查佢哋嘅飲食習慣，與死亡風險之間嘅關係，結果發現當中跟別人同住嘅高齡男士，若經常一個人獨自吃飯，其死亡風險比跟別人一起吃飯嘅人高出47%。

Photo from jages

相信唔少人都會同小編一樣驚訝，諗「一個人食飯有咩問題？」、「一個人食飯有時仲開心喇！」 。不過，唔少人一個人食飯時一般會抱住「求其食」嘅心態，心諗「好又一餐，唔好又一餐」食杯麵、食快餐等等…，而冇注意到所攝取嘅營養。

Photo from shutterstock

研究指超過20%嘅獨居老人習慣一天只食2餐，亦冇注意營養均衡。有高達70%的獨居老人雖然只能一個人吃飯，但其實內心係好想同其他人一齊食㗎。

Photo from shutterstock

另外，正正因為一個人食飯有同其他人互動，而減少咗中間嘅樂趣，就會不自覺咁加快食飯速度，導致咀嚼次數同唾液分泌減少，從而加重腸胃消化嘅負擔，而產生快樂荷爾蒙嘅血清素亦會減少。如果快樂元素失去，就會容易引致抑鬱。

Photo from shutterstock

所以有時間不妨多啲約朋友一齊食飯呀！

Source：Jages

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）