今季必睇日劇！《3年A組》大結局破15% 主演人氣急升 結局彩蛋令官網癱瘓

日劇《3年A組—現在開始 全員人質》自開播以嚟一直都有唔錯嘅收視，而且話題度都好高，係今季日劇嘅黑馬。

故事全班喺畢業前10日，突然被班主任柊一颯（菅田將暉飾演）用炸彈綁架做人質，目的係要搵出班上女同學自殺嘅真相，每集代表1日，亦都係老師同學生上嘅一堂。

Photo from 《3年A組》

喺星期日播出嘅大結局，揭開咗女同學景山澪奈嘅死亡真相，收視高達15.4%，全劇平均收視有11.54%，係今季日劇嘅亞軍。

而劇中主演都因而人氣急升，其中包括喺劇中飾演不良少年甲斐隼人嘅片寄涼太，佢跳嘅「朝礼体操」片喺ig嘅觀看數已經突破1百萬！

在 Instagram 查看這則貼文

今夜10:30はゾクゾクタイム?‍? #片寄涼太 #3年A組朝礼体操 #膝の #柔らかさ #最高デス? #3A

【公式】3年A組-いまから皆さんは、人質です-（@3a10_ntv）分享的貼文 於 PST 2019 年 1月 月 20 日 上午 12:53 張貼

另外飾演女班長茅野櫻嘅永野芽郁，喺劇中喊戲較多，令日本觀眾睇得心痛，大讚：「喺呢部作品中愛上永野芽郁嘅眼淚」～

Photo from 《3年A組》

全劇最受注目嘅男主角菅田將暉，由頭帶到尾，每集都有金句。佢用半年時間做準備，脅持全班學生逐步逐步揭開真相，發現全班同學都同景山澪奈嘅死有關，甚至包括老師。而菅田將暉出色嘅演技亦令外界睇好佢可以憑呢套《3年A組》首奪視帝。

Photo from 《3年A組》

喺10號播出大結局後，劇組宣布會喺網上公開彩蛋《淚之畢業式》，令大批觀眾湧入官網，造成官網癱瘓。《淚之畢業式》上集已經喺10號公開，下集會喺3月17號公開。

想煲劇但又怕追劇辛苦嘅朋友又多一個選擇啦～

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）