要做成功人士真係咁難？哈佛大學研究：變「廢青」9個特質

相信唔少人都曾經諗過自己點解咁失敗，做咩都唔成功？早前美國哈佛大學就有研究指出一個人成為變『廢青』嘅9個特質，其中包括3分鐘熱度、逃避現實和總找藉口等，快啲一齊嚟睇吓自己中咗幾多項？

Photo from shutterstock

1. 3分鐘熱度(冇耐性)
曾經有人講過「世界上有80％嘅失敗都源於半途而廢」，3分鐘熱度嘅人從來都冇體驗過堅持去完成1件事之後，由成功所帶來嘅喜悅，事關堅持嘅過程總係枯燥同充滿挫折，好逸惡勞係人嘅天性，例如下定決心減肥，點知可能只係堅持咗幾日就放棄咗。

Photo from shutterstock

2. 逃避現實
點分辨一個人係咪逃避現實？第一，鍾意隨心所欲；第二，沉迷遊戲或魔幻小說；第三，覺得現實世界好殘酷；第四，無法面對不確定嘅環境。

Photo from shutterstock

3. 拖延
拖延其實係逃避問題同懶惰嘅表現，佢哋總會抱住拖得一日得一日嘅心態，總會將「我好忙」、「聽日先做喇」、「唔急嘅慢慢嚟喇」等之類嘅話。

Photo from shutterstock

4. 成日搵藉口

很好人犯錯時第一時間就係自我辯護，研究發現鍾意搵藉口嘅人都有一個共通點，就係佢哋冇強烈嘅事業心、唔會執著追求，人生冇一個堅定嘅信念，因為愈容易做好嘅事愈可以掩飾自己嘅無知，從中得以自我安慰。

Photo from shutterstock

5. 猶豫不決
猶豫不決比魯莽更糟糕，無論一個人幾強大，喺人生競賽中總會容易被堅定嘅人搶走焦點。

Photo from shutterstock

 6. 害怕被拒絕

大多數時候，我們喺人際關係中感到嘅「痛」其實同「感到被拒絕」有關，如分手或被朋友背叛疏遠等；一個人愈係百無一用時，就會愈執念喺無足輕重嘅底線同自尊心之上。

Photo from shutterstock

7. 自我設限
自我設限就相當於殺死自己的潛在能力，被一啲無謂嘅原則框住自己！

Photo from shutterstock

8. 恐懼
恐懼，如害怕被批評、害怕別人覺得自己無能、害怕被人知道自己缺點、在意他人評價、害怕犯錯同害怕自己嘅付出得唔到回報等，其實都係心智弱小，不敢面對挫折嘅表現。

Photo from shutterstock

9. 拒絕學習
學習需要動腦筋，自我成長要不斷同自己鬥爭，因此好多人會諗「爭咩呀，不如煲吓劇、打吓機好過喇 ！」，然後睇到身邊嘅朋友人工比自己高、生活比自己好時，你仲會感嘆自己時運不濟、懷才不遇。

Photo from shutterstock

睇完以上依9個特質，有網友即慘叫話自己「全中」，不過都係嗰句喇：無論中幾項都好，做任何事只要盡力，對得住自己，問心無愧就得喇！

Source

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）