印度良心Aamir Khan將翻拍《阿甘正傳》！改編成印度故事 仲挑戰演繹阿甘

由湯漢斯主演嘅荷李活電影《阿甘正傳》（Forrest Gump）堪稱為經典之作，最近仲吸引到印度巨星阿米爾汗（Aamir Khan）翻拍，改編成印度版本嘅新故事！

據外媒報道，阿米爾汗喺上周四54歲生日時宣布，屬下製作公司已買下《阿甘正傳》前作版權，新片將名為《Lal Singh Chadha》。

而且由阿米爾汗舊作《打死不離歌星夢》（Secret Superstar）導演 Advait Chandan執導新戲。

Photo from Hindustan Times

Photo from 阿甘正傳

電影將於今年 10月開拍，主要喺印度北部同錫克教發源地旁遮普邦（Punjab）取景，而阿米爾汗將會擔正飾演主角「阿甘」。佢表示自己一直以來都好鐘意《阿甘正傳》嘅劇本，新版《阿甘正傳》將會係一部令人感到溫暖嘅合家歡電影。

Photo from Aamir Khan@FB

相信大家都對印度版「阿甘」角色非常好奇！雖然劇本詳情尚未公開，不過阿米爾汗透露佢將會減肥20磅為角色做準備，同埋會戴上錫克教徒頭巾（turban）演出部份戲份，暗示「印度版阿甘」可能係個錫克教教徒。

印度版阿甘唔戴Cap帽、改戴頭巾，相信會為觀眾帶來無窮新鮮感！

Photo from 阿甘正傳

Photo from nUth.com

《阿甘正傳》講述反應遲緩但心地善良嘅阿甘，用佢嘅視角見證美國越戰以來、20世紀各代社會變遷。相信被譽為「印度良心」嘅阿米爾汗今次將會以《阿甘正傳》為藍本，加入Bollywood元素，去呈現印度歷史同社會議題！

Photo from Catch News

呢部令人耳目一新嘅《阿甘正傳》，實在令人期待呀！

資料來源：Hollywood Reporter

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）