否認到最後一刻！朴有天今日終承認吸毒 曾開記者會堅稱自己冇吸毒

最近韓國娛樂圈大地震！好多當紅男星牽涉在內～曾為東方神起成員嘅朴有天，今日推翻咗前幾個星期嘅口供，承認咗曾吸毒！

Photo from 朴有天微博

4月初，朴有天被前女友黃荷娜指認曾一齊吸食毒品，當時佢極力否認。4月10日，佢仲出嚟開記者會嚴正澄稱自己冇吸毒，更冇勸誘黃荷娜吸毒。當時佢嘅態度令唔少粉絲都相信佢、繼續支持自己嘅偶像。

Photo from 朴有天微博

可惜，期後驗毒結果一出，朴有天嘅腿毛對冰毒呈陽性反應！證明佢之前一直都講緊大話。

Photo from 朴有天微博

雖然人證物證都指明佢曾吸食毒品，但嗰陣嘅朴有天仍然堅持自己冇吸毒，仲反駁：「可能是脫毛過程，摻雜了其他毛髮。」繼續為自己辯護。

Photo from 屋塔房王世子

但可惜佢誠信已經破產，朴有天經紀公司C-JeS娛樂喺驗毒結果一出之後就宣布同佢解約，仲話之前一直都相信朴有天係清白，但宜家驗毒結果呈陽性，好難恢復對佢嘅信任。

Photo from 朴有天微博

朴有天喺調查期間屢次堅持自己冇吸毒，但今日突然改口承認大部分吸毒嫌疑：「該承認的要承認、該謝罪的也要謝罪。」

Photo from 屋塔房王世子

Photo from 想你

朴有天曾為東方神起成員同JYJ成員，仲出演過多套超紅韓劇包括成均館緋聞、屋塔房王世子、想你等等，套套都係男主角！宜家因為吸毒，就咁斷送咗自己前程。

大家記住！「企硬！Take嘢衰硬呀！」

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）