孝敬父母必睇！盤點CP值最高嘅3大東南亞目的地

每個人細個果陣都係由父母帶自己去旅行，到長大成人，身為子女嘅大家會唔會想請爸媽出國見識世界，順便成家歎世界，享受家庭樂呢？

不過一家人去旅行，住宿、吃喝玩樂支出多，想做孝子乖女但同時錫住荷包嘅話，出名物價低、風光明媚嘅東南亞國家絕對係好選擇！

小編就私心推介以下呢3個消費唔高，但玩樂包羅萬有嘅渡假勝地，而且動靜態旅遊活動都有，爸媽一輩都會啱玩！

布吉為係泰國境內最大嘅島嶼，環境純淨，海水清澈，而且仲有大量擁有靚泳池嘅海景酒店同Villa。簡簡單單同屋企人住返幾晚，歎住靚景同當地著名嘅海鮮同熱帶生果，絕對令爸媽疲累盡消。

Photo from Air Asia

另外，布吉除咗原始海島景色，仲有文青味滿滿嘅布吉古城。古城大街小巷都佈滿由唔同藝術家繪畫嘅壁畫同塗鴉，仲有唔少色彩夢幻嘅Cafe同小店，打卡位處處。

Photo from Air Asia

好似呢間Sweet Talk Phuket Karon Beach甜品店，有超大型嘅雪糕同蛋糕任你影趣怪「錯覺相」，當然入面都有消暑甜品等你降降溫啦！

Photo from Air Asia

除咗布吉，喀比同樣係泰國享受陽光與海灘嘅好地方！由去年12月開始，香港同澳門都有直航飛去喀比，唔駛再轉機，非常方便！

Photo from Air Asia

喀比其實係位於布吉附近既島嶼，但就比布吉更原始而淳樸，當地人保持遠離世俗嘅慢節奏生活，最適合帶父母來個「輕旅行」，感受平靜嘅渡假感覺。

有別於一般海島，喀比擁有悠閒寧靜嘅白滑沙灘同無污染嘅海洋，海水如玻璃般清澈見底，爸媽都可以玩跳島遊，欣賞水底下嘅海洋奇觀，同魚兒一齊暢泳。

Photo from Air Asia

如果爸媽唔熟水性，子女都可以安排喀比獨特嘅森林活動，親親叢林大自然，例如係去浸森林溫泉！當中著名嘅翡翠池更被泰國國家旅遊局列為「Unseen Thailand（前所未見的泰國景觀）」之一  ，出名程度就連本地人都會趁放假，遠道而來一浸呢個養生又美麗嘅天然溫泉，體驗與別不同嘅溫泉感受！

Photo from Air Asia

最後，如果以上活動對閣下家中長老都太刺激嘅話，馬來西亞嘅沙巴就適合不過啦！沙巴除咗潛水出名外，唔少觀光景點都好有特色，保證令爸媽眼界大開！

馬來西亞為伊斯蘭教國家，佢嘅水上清真寺當然係非一般地宏偉啦！水上清真寺造型優美，而且建於人造湖上，白牆藍頂典雅莊嚴，遠觀猶如水面同藍天合而為一！

Photo from Air Asia

另外，沙巴森林公園擁有熱帶森林、河流同瀑布，仲可以探訪沙巴獨有既長鼻猴，外表非常逗趣！玩完成日，到夜晚不妨觀賞埋沙巴嘅螢火蟲，同屋企人望住數不盡嘅螢火蟲一閃一閃喺林間飛舞，實在難忘！

Photo from Air Asia

聽見都心動？不如立即行動，計劃行程啦！搭AirAsia​由香港直飛亞庇(沙巴)/喀比/布吉，單程最平只需HK$458！

立即上呢個網址或手機App訂購機票酒店：https://bit.ly/2DDwSJq

出發日期：2019年5月起

Presented By Air Asia