男朋友識做啦！下白泥粉紅日落加天空之鏡，情侶打卡放閃必去～
下白泥沿岸海灣一帶係魚塘，淺灘同紅樹林，日落堪稱全港最靚。好多攝影發燒友都鍾意黎影日落, 因為香港好難有咁靚既風景。另一特點係擁有一大片泥灘，如果風唔係太大的話，仲有機會影到天空之鏡。日落加上粉紅天空之鏡超浪漫，絕對係情侶既放閃聖地！
夕陽就快落既時候，天空同水面都會染成橙紅色～ 呢個時候影背光黑影相就最岩啦！
無男女朋友既，約朋友仔去影下相都好開心嫁！不過記得帶太陽眼鏡！
同另一半睇日落，漫步談心，絕對浪漫，男朋友們要識做呢～
下白泥既日落時間，會因不同季節而有分別，所以建議去天文台網站了解，因為到接近日落既時間，好多「龍友」就會放曬腳架出黎佔有利位置。
因為下白泥係泥灘，要有心理準備變泥鞋，所以建議著拖鞋或者帶拖鞋去。另外，在泥灘走路要小心，因為泥灘係非常之滑。
交通：元朗市中心的泰豐街乘33號綠色專線小巴，於鴨仔坑下車
注意：日落後會有好多人同一時間離開，最後一班小巴約在晚上九時三十分開出
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）
*本文章的圖片均經其本人或其公司授權，其他媒體不得轉載
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
