【扮靚學院】香格拉小貼士 旅行化妝袋收納法 推介好用+方便嘅護膚化妝品推介

呢位嚟自瑞士嘅女生香格拉，因為4年前喺YouTube用零零碎碎嘅廣東話拍咗一條《我要成為YouTuber!!》而一躍成名。由於香格拉成日都香港瑞士兩邊飛，所以佢今次就同大家分享一下有咩旅行護膚化妝tips啦！

Photo from PressLogic

1. 細件為主
由於手提行李一般都係得7kg重，放完電腦相機之後，都再無咩位可以擺嘢，所以幾件細件嘅護膚品喺長途機用，絕對係唔錯嘅選擇！

Photo from PressLogic

CLARINS DIY旅行護理化妝包
指定分店有特設嘅TRAVEL ZONE，等你可自由挑選一個化妝袋，以及喺12款產品中選出心水嘅4款（分別為潔面、面部護理、身體護理及彩妝各一款）。

2. 多格數化妝袋
化妝袋愈多格數就愈方便，分門別類放晒要用嘅護膚品、化妝品、髮夾等等濕碎小物，等你一個袋就可以走天下，唔使嘥時間左搵右搵！

Photo from PressLogic

Shiseido銀座日和收納掛袋
有三段式設計，可分門別類收納護膚品、化妝品，放埋成set全效美白抗紋美妝組合都完全fit晒！

3. 必備眼膜防浮腫
雖然好多美容達人都教人坐飛機要敷面膜，但坐開飛機都知，搭飛機敷面膜除咗搞到濕瀌瀌，畀其他人見到仲好尷尬。雖則機艙好乾燥又係一個問題，呢個時候預備一個眼膜，又方便，又可以當眼罩用，一舉兩得！

Photo from PressLogic

CHA LING舒緩眼罩
呢款眼膜將普洱茶與透明質酸結合，有效改善浮腫、黑眼圈。

4. 走珠香薰方便易攜
喺飛機呢啲咁焗促嘅環境，如果仲遇上係長途機嘅話仲更加攞命！所以帶一支細細地嘅走珠香薰，除咗可以遮住無得沖涼嗰陣味之外，仲可以幫助放鬆心情，而且走珠式設計，唔會怕唔小心噴到其他乘客！

Photo from PressLogic

Dior J’adore 走珠香薰
茉莉花與依蘭香調令人心矌神怡，加上體積細小，放喺手袋都好方便！

5. 多用途化妝物
個袋就得咁細，要化妝嘅話，一件多用途嘅化妝品就幫到你！依家好多品牌都推出咗一盒就搞得掂嘅化妝產品，相當方便。

Photo from PressLogic

Dior專業後台眼影組合
除了 8 種不同啞緻或閃爍妝效的色調外，左上格還設有具有霜狀質感的眼部底霜，能使眼妝更持久及提升顯色度。

Photo from PressLogic

Les Merveilleuses LADURÉE Lip Balm
體積細小方便攜帶，長度約4.8cm，質感滋潤但顯色度一般，用來當潤唇膏來用是不錯。

Photo from PressLogic

NARS Summer Lights Face Palette
一盒有齊但款眼影、光影及古銅粉，以暖色調為主題，相當好用易襯。

?超可愛好好燒！閃亮小貓咪妝品 唇膏有10款顏色 叫貓奴又點抵擋？

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）