超可愛動畫《PET PET當家2》！爆笑狗仔扮貓仔求生 大人小朋友都啱睇！

人氣卡通片《PET PET當家2》終於上映！
今集同上集故事關連不大，所以無睇第一集都唔會影響觀感～

今集每個角色都係咁可愛！
故事講述狗仔阿麥（Max），自從主人生咗小朋友里安（Liam）之後，
就好驚里安受傷，從而變得非常緊張！
後來佢喺農場遇上牧羊犬雄雞（Rooster）而學識勇敢！

另一邊，自從兔仔毛毛（Snowball）改邪歸正之後變得好得意！
自從主人當佢係超級英雄兔咁養之後，佢就真係當咗自己係超級英雄～
而且仲同西施犬阿花（Daisy）一齊展開去馬戲團救老虎嘅緊張場面！

最後就係松鼠狗寶珠（Gidget）！今集可以話最爆笑係佢！
為咗保護阿麥嘅玩具，佢要走去扮貓之餘仲要呃到一眾嘅貓仔～

小編覺得今集非常好睇！仲抽咗唔少名人水～
雖然今集無上集咁催淚，但睇到最後小編都忍唔住流咗幾滴眼淚啊！

非常希望《PET PET當家》可以繼續有續集～
等Cute到爆嘅毛毛可以繼續換裝出場呀！

?23套超矚目2019上映電影一覽 萬眾期待已久 卡通片 卡通真人版 驚嚇片 英雄片

?《無敵破壞王2》終於上映！笑料百出大人小朋友一樣啱睇～200幾個彩蛋！



（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）