清爽消暑！日本推期間限定可樂糖冰 懷舊零食代表～80、90後嘅童年回憶！

相信各位八十、九十後們都對日本傳嚟嘅可樂糖唔陌生，呢個懷舊零食係一個仿鐵罐嘅可樂塑膠筒，入面裝住一粒粒可樂碳酸糖，有唔少人都鍾意將佢含喺口入面等佢慢慢溶化，令成個口腔都充滿可樂香味！細個嘅時候，成日小息或者放學經士多都會買會翻罐嚟食，簡直係充滿童年回憶呀！最近生產呢款可樂糖嘅日本廠商「orion」就推出咗期間限定嘅可樂糖冰，消息一出隨即引起日本民眾嘅搶購呀！

Photo from TWITTER@ORIONOSAKA

廠商喺冰沙裡面加入滿滿嘅可樂糖，口感有層次，口味嘅還原度都非常高，品嚐過嘅網友都相當推薦～話呢個可樂冰清爽又消暑！

Photo from TWITTER@ORIONOSAKA

不過呢個期間限定嘅可樂冰只有喺日本西友百貨、九州MaxValu同關西部分激安的殿堂先可以買到，仲要限量19萬個！去開呢啲地方嘅朋友記住買嚟試吓喇！

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）