太子酒店首推大富翁主題自助晚餐！拎機會卡抽鮑魚/花膠、旅館+汽車棋子蛋糕～

By Helen on 07 Aug 2019

Digital Editor

大富翁平時同班friend就玩得多啦！依家仲有得食埋落肚？！帝京酒店聯乘大富翁推出以大富翁主題嘅自助晚餐！除左有得食之外，仲有得一連串遊戲玩，有機會可以贏取多款不同版本嘅大富翁遊戲等獎品～

Photo from presslogic

今次就等大富翁先生帶大家係香港周圍覓食啦！係大富翁棋盤上有山頂、蘇豪區嘅高級西式佳餚，再到香港仔細味避風塘小炒，仲可以去中環鋸扒、落旺角掃盡港式小食！

Photo from presslogic

每位玩家總有機會領取「機會」卡爭取更多便利或優惠。大富翁主題自助餐又點少得拎「機會」卡嘅優惠呢?! 凡惠顧自助晚餐，每位客人即可獲「機會」卡乙張，換取指定矜貴美食，包括梅酒冰鎮鮑魚、和牛荷葉包、鮑汁鮮菇花膠扒或籠仔蒜蓉蒸蝦！

Photo from presslogic

第一站首先帶大家去太平山上嘅頂尖餐廳，代表菜式有青胡椒牛油忌廉火炙龍蝦！

Photo from presslogic

食完龍蝦就去尖沙咀諾士佛臺酒吧餐廳，食一客香煎鴨肝配美酒～採用匈牙利優質鴨肝，入口即融，再配上香檳葡萄果醋汁，微酸味道即平衡鴨肝嘅油份～

Photo from presslogic

除咗即叫即開嘅新鮮生蠔外，仲有多款冰鎮海鮮，包括啖啖肉嘅松葉蟹腳、太平洋熟海蝦及龍蝦鉗等，無限任食，超級滿足呀!

Photo from presslogic

再去中環區，餐廳特別挑選了燒羊鞍、燒美國肉眼及德國鹹豬手，不論牛扒、羊鞍都肉嫩多汁，而德國鹹豬手，外皮非常香脆！

Photo from presslogic

要數到最具香港風味嘅野食，一定會諗起香港仔！分別有避風塘豉椒花甲、豉椒蟶子仔及豉油皇魷桶仔等小炒～以新鮮花甲加入青胡椒一同快炒，比坊間煮法多了一份香氣，提升味道層次。炮製豉椒蟶子仔時特別選用新鮮迷你蟶子，一口一隻而不帶沙泥，肉質更為幼嫩，味道亦更鮮甜。同樣濃郁惹味的豉油皇魷桶仔，採用自家秘製醬汁烹調，味道獨特，口感爽滑彈牙，三款美食輪流供應，滿足不同客人口味。

Photo from presslogic

另外，客人亦不要錯過九龍城區嘅泰式海南雞飯、銅鑼灣區嘅日式刺身壽司、深水埗區嘅即煮粉麵等美食。數款印上棋子造型的三文魚他他多士或日式玉子燒多士，以及印有大富翁幣值符號嘅洋蔥煙肉焗薯蓉，賣相精緻，打卡一流!

Photo from presslogic

最後嚟到旺角區，區內有不同類型嘅甜品，包括奶黃包、楓葉夏威夷果仁花生醬慕絲蛋糕及菠蘿紙杯蛋糕，通通用上大富翁的頭像、棋盤、房子、旅館作造型裝飾，真係好似玩緊個真人版大富翁咁～

Photo from presslogic

香橙松露朱古力蛋糕
真係靚到唔捨得食呀!設計概念係大富翁先生匿藏在棋盤裝飾嘅藍色寶盒入面，鬼馬地跳出來，送上歡樂比大家～大富翁先生係全人手以糖皮搓成，而蛋糕內餡係香橙味牛油蛋糕同松露朱古力軟心，味道甜而不膩！再加入橙醬、朱古力脆珠增加口感層次，最後再放上遊戲紙幣、棋子、旅館等造型朱古力！

Photo from presslogic

朱古力劇院蛋糕
整架巨型版嘅汽車棋子座落於傳統劇院蛋糕之上，蛋糕味道係混合咖啡同朱古力味～不但外型吸引，敲破後您會發現一粒又一粒的大富翁棋子朱古力同橡皮糖係車內，超驚喜!

Photo from presslogic

「GO」字造型日式芝士蛋糕
香草紅莓慕絲蛋糕用上新鮮紅莓及藍莓粒，味道酸酸甜甜～

Photo from presslogic

大富翁先生鬍鬚其實是竹炭芝麻曲奇，入口香脆鬆化，可以打卡又可以食!

黃梅檸檬白朱古力蛋糕
驚喜仲未停！仲有仿照成個大富翁遊戲板製作出來嘅蛋糕!呢個黃梅檸檬白朱古力蛋糕，細緻到連「機會卡」、「公共益福利卡」、骰子、旅館等都可以食，全部朱古力手製而成。蛋糕內層係由白朱古力軟心、檸檬忌廉、黃梅醬、海綿蛋糕疊砌而成，而底部係杏仁松子餅底。

Photo from presslogic

黑莓紅桑子61%朱古力蛋糕
以朱古力嘅「棋子」於頂部作為裝飾!用朱古力慕絲，包裹了紅桑子啫喱、黑莓慕絲及朱古力海綿蛋糕～

Photo from presslogic

紅桑子朱古力軟心撻
同樣是以朱古力嘅「棋子」於頂部作為裝飾! 用朱古力軟心藏著紅桑子粒，味道甜中帶果香～

Photo from presslogic

以棋子造型嘅甜品有雜草莓紫蘿蘭慕絲，特別加入朱古力珍珠脆脆，有助增添口感!另外有一口藍莓芝士蛋糕，選擇好多好豐富！

Photo from presslogic

外型以「旅館」打造而成嘅楓葉夏威夷果仁花生醬慕絲蛋糕，中間是花生醬慕絲及楓糖夏威夷果仁粒，花生控必試！

Photo from presslogic

玩大富翁個時最期待就係收錢啦！造型以面值最高嘅 $500 遊戲紙幣係口味清新嘅熱情果芒果芝士慕絲蛋糕，將味道帶酸嘅熱情果
配搭香甜芒果炮製成慕絲～大家快啲嚟試下呢個又好玩又好食又有得打卡嘅大富翁自助餐啦！

Photo from presslogic

花月庭 x 大富翁自助晚餐 地址:九龍太子道西一九三號帝京酒店二樓
供應日期:2019 年 8 月 5 日至 11 月 30 日
訂座電話:(852) 2622 6154

價錢：
星期日至四及公眾假期:
全時段: 18:00-22:00: 成人 $628 、小童5歲至11歲 $418 、長者65歲或以上 $488
第一優惠時段：17:45-19:45 成人$528 、小童5歲至11歲 $348
第二優惠時段：20:00-22:00 成人$528 、小童5歲至11歲 $348

星期五、六及公眾假期前夕：
全時段: 18:00-23:00: 成人 $668 、小童5歲至11歲 $448 、長者65歲或以上 $508
第一優惠時段：17:45-20:15 成人$548 、小童5歲至11歲 $358
第二優惠時段：20:30-23:00 成人$548 、小童5歲至11歲 $358