東京過江龍！日本No.1人氣天丼專門店「金子半之助」後日開幕啦！必食穴子魚天丼～

東京過江龍！日本第一天丼專門店「金子半之助」係香港葵芳開第一間分店，後日(15日)正式開幕啦！「金子半之助」被喻為日本第一天丼！連續5屆榮獲日本全國天丼金賞！「金子半之助」除左係日本有12間分店，分別係台灣、美國、北京都開設分店！

「金子半之助」天丼飯有3款特點：由日本進口秘制醬汁，日本進口胡麻油，日本進口天粉製成，而每個天丼飯都即叫即炸，非常新鮮！另外每個套餐都包括味噌湯、漬物，同埋黑豆茶比你解膩。

江戶前天丼 ($138)
穴子魚、鳳尾蝦、魷魚海鮮炸(墨魚粒、干貝)、溫泉蛋、海苔、莢豌豆，超級豐盛！超大條天婦羅穴子魚(星鰻)，長達30cm，口感同食鰻魚十分相似，啖啖魚肉，口感結實！建議食法：先食一啖天婦羅穴子魚，再食海鮮炸，然後再將溫泉蛋切開，撈均蛋汁同米飯食～

上天丼 ($118)
除咗穴子魚之外，亦有鱚魚天丼，材料包括：鱚魚、鳳尾蝦、雜錦海鮮餅 (墨魚粒、干貝)、溫泉蛋、海苔、莢豌豆，非常豐富！每個天丼飯都用咗日本進口秘制醬汁，係源自創始人祖父留下超過100年歷史，獨門不外傳嘅秘方醬汁，令每件炸物嘅味道更鮮味！鱚魚肉質鮮嫩，含有豐富嘅蛋白質！

Photo from presslogic

天丼 ($98)
招牌人氣天丼！食材包括舞菇、鳳尾蝦、雜錦海鮮餅 (墨魚粒、干貝)、溫泉蛋、海苔、莢豌豆。舞菇即使炸過之後，仍然保留到菇味嘅香味～

Photo from presslogic

Photo from presslogic

金子半之助
地址：葵芳興芳路223號新都會廣場1樓107-108號舖
開幕日期：8月15日 11：30am-10:30pm

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）