盧覓雪質疑姜濤墮海解釋搶口諷刺「智商有問題」姜糖震怒揚言集體投訴！

By Macy Sun on 27 Jun 2025

Digital Editor

男團MIRROR成員姜濤日前在西環意外墮海，直至前日（25日）他就首度親自還原墮海經過，指自己是因為跑步期間想看夕陽，跨出欄杆外後突感不適才會意外墮海。然而對於姜濤的說法，盧覓雪昨日（26日）在電台開咪時就表示質疑，更不留情地嘲諷批評姜濤「智商應該有啲問題」，惹來姜糖（姜濤粉絲）不滿！

前情：

姜濤親述墮海經過

Photo from ViuTv截圖

姜濤前晚（25日）在機場露面首度還原墮海經過，稱事件純屬意外：「因為噚日天氣好好，想坐喺海邊睇吓夕陽，自己呢排又有少少唔舒服，所以想做吓運動出吓汗，做咗唔好嘅示範，跨咗去欄杆出面，我見平時都有人會喺欄杆出面釣吓魚，或者chill吓，我自己都想放鬆吓，但係我起身諗住返去嘅時候就有少少暈，就跌咗落去，所以都係好意外嘅嘢。」同時姜濤亦有承認事發當日有飲了點酒，亦食了頭痛藥，不過否認自己情緒有問題，並非借酒消愁。

盧覓雪質疑姜濤墮海解釋

Photo from Facebook圖片

然而對於姜濤的說法，盧覓雪昨日（26日）在電台節目《在晴朗的一天出發》中開咪時就表示懷疑：「姜濤話自己飲咗酒，食咗藥，跨欄坐壆係為咗睇夕陽，點知起身頭暈跣腳跌咗落海喎！強調自己情緒冇問題，如果係咁話，智商應該有啲問題。家陣成7點先日落，4點咁早去，曬到暈都應該未睇到㗎喎。」質疑姜濤睇日落時間之餘，亦直言姜濤「智商有啲問題」。

姜濤粉絲揚言集體投訴盧覓雪

Photo from Facebook圖片

言論一出隨即惹怒一眾姜糖，指她向姜濤人生攻擊、落井下石，在其傷口上灑鹽有違專業：「欠缺基本道德素養」、「佢人身攻擊喎，作為一個知名廣播人，怎可以喺一個咁出名嘅電台節目裏人身攻擊」、「自由言論不等於無底線，點都係一個前輩，要咁樣對一個年青人？」等。不過，亦有網民力撐盧覓雪，認為她只是「講出事實重點和質疑」，又認為「今時今日唔係個個敢講事實」。另外據傳有大批姜糖指會向通訊事務管理局集體投訴，而目前商台節目重溫已刪走「智商應該有啲問題」此句。