撐警肥媽自爆同家人政見不同 壓力大到撼頭埋牆 ：「只希望可以快啲變返以前嘅香港」

肥媽（Maria Cordero）7月曾出席撐警集會表明自己立場。最近有網民仲將肥媽出席撐警集會嘅短片惡搞成《肥媽有話兒》，歌曲改編自Sia名曲《Chandelier》，當中嘅洗腦歌詞深入民心，好有共嗚。

Photo from TVB

但原來公開撐警嘅肥媽壓力好大，佢最近出席活動表示屋企有32位成員，一向融合相處，但大家有唔同政見，有次睇新聞，結果釀成激烈爭吵。佢承認自己好霸道，唔俾人講野，結果越鬧越嘈，肥媽叫唔停場交，激動起嚟就撼頭埋牆自殘，仲撼到後腦起「樓」。

Photo from 肥媽FB

除咗家人政見唔同之外，丈夫病重亦令肥媽壓力好大，甚至要食精神科藥物控制病情。

Photo from 肥媽FB

肥媽為咗唔同屋企人再嗌交，就全家協議唔再睇電視新聞。佢認為冇人政見係啱哂，亦冇人係錯哂，單睇警民衝突嘅片段不能作準，佢只係希望可以快啲變返以前嘅香港。

Photo from 肥媽FB

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）