大台新聞部首席主播張文采正式離巢：多謝大家十年嚟嘅支持

大台多年嚟有唔少為人熟悉嘅主播，包括：方健儀、柳俊江、方東昇等。

不過早前大台新聞部掀起一輪離巢潮，有好多新聞小花都辭職，好似梁凱寧咁，佢離巢後就去咗斯里蘭卡義教。

好似主播張文采咁，佢2008年喺珠海學院新聞及傳播（榮譽）文學士畢業，同年加入亞洲電視擔任新聞財經頻道主播，2009年過檔TVB做新聞主播，至今效力TVB已有10年。

Photo from 張文采Facebook

喺大台工作10年嘅佢喺2015年升職成為新聞台總主播。

不過10月時傳出消息指佢喺9月已向TVB請辭，不過因為佢職位唔低，所以會喺11月至12月初last day。

Photo from 張文采微博

佢當時未有否認辭職，只表示：「現家仍然喺TVB工作，唔方便講太多。」

張文采曾與無線藝人羅均滿拍拖，又曾傳出同另一位新聞小花黃紫盈不和，更令對方眼紅紅報道新聞。

佢上年10月同消防員男友結婚，升呢幸福人妻。

Photo from 張文采Facebook

到琴晚係佢最後一次報導新聞，佢向觀眾道別：「呢節新聞報道完喇！多謝大家十年嚟嘅支持，後會有期，再見。」

以後大台又少一位主播喇！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）