世界級荀工？輕鬆瞓覺仲有錢收！印度公司徵人試驗「100天內每天睡滿9小時」　成功者可獲10萬盧比

香港打工仔日忙夜忙，唔少人仲日日OT，返到屋企都唔可以完全放鬆，搞到成日睡眠不足。相信想搵到份輕鬆又高回報嘅工真係唔係咁容易㗎！

而最近喺印度就有一間為人解決睡眠困擾嘅公司Wakefit就喺網上公開徵才，不過佢哋搵嘅並唔係正式員工，而係容易入睡嘅實習生進行試驗。

Photo from wakefit.co

試驗好簡單，只要喺100天內每天睡滿9小時，就可以獲得10萬盧比嘅酬金！

依個時候相信大家都會有一個疑問：「真係有咁荀嘅工咩？」

Photo from wakefit.co

今次就講畀大家聽真係有㗎！

佢哋今次嘅目標係喜歡睡覺、又容易進入深度睡眠嘅人，希望可以透過研究佢哋嘅睡眠方式同生活習慣，希望可以從中靚到改善有失眠困擾嘅人嘅方法！

Photo from Presslogic

只要你具備以下10個條件就可以申請：
1.需要任何領域嘅大學學位，喺課堂上瞓覺嘅經驗都可以列入「相關經驗」當中。
2.對睡覺有住好大嘅熱情，願意主動待喺床上睡覺至少8小時。
3.能夠喺頭碰到枕頭後嘅10至20分鐘內入睡。
4.能夠指出床墊、枕頭等嘅外在條件對於睡眠品質嘅影響。
5.當其他實驗者沉迷於一些妨礙睡眠嘅活動時，發揮團隊精神勸阻他們。
6.不管周遭有咩噪音、亮光都可以順利入睡。
7.擁有規律嘅睡眠記錄。
8.唔會被網路生活影響睡眠。
9.對於影響睡眠嘅外在條件如睡衣、被子、床單等細節非常重視。
10.能夠喺入睡之前完全放鬆心情。

Photo from wakefit.co

而除咗達到以上嘅10個條件之外，仲要注意以下事項：
1.發出鼾聲，會增加被淘汰嘅機率。
2.即使手機、鬧鐘響起亦能夠繼續熟睡。
3.睡眠時連手機響起都聽唔到，使用手機嘅時間短。
4.對於冥想入睡嘅方法深感興趣。
5.對搖籃曲嘅曲調、歌曲有認識者為佳，但唔係必需。

據知，有良好嘅睡眠，就可以令工作嘅效率有所提升！唔知依個試驗又會唔是成功幫到大家喇～

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）