韓國驗出日本化妝品牌FLOWFUSHI睫毛膏、眼線筆含放射性物質 需全面回收

日本藥妝向來好受歡迎，唔少人去日本旅行都會買當地出品嘅化妝品。

其中FLOWFUSHI係其中一個人氣品牌，曾推出睫毛膏、眼線筆、唇蜜等產品，口碑勁好！

喺香港都有得賣嘅FLOWFUSHI，近日俾韓國食品和藥物安全部驗出部分產品含放射性物質。

Photo from FLOWFUSHI

根據韓國媒體報導，進口銷售嘅10種FLOWFUSHI化妝品，包括睫毛膏、眼線筆，驗出含放射性物質釷（th232）同鈾（U-238）。

Photo from FLOWFUSHI

雖然產品含有嘅放射量低於《輻射安全管理法》所規定嘅安全標準（1 mSv/y），但由於呢兩種放射性物質唔應該用作​​化妝品原材料，所以需暫停銷售，並指示進口商進行放射性物質檢查，查明喺化妝品上出現放射性物質嘅原因。

韓國將回收以下10款產品，買咗產品嘅消費者可將有問題嘅睫毛膏、眼線筆退還俾進口商。

Photo from 韓國食品和藥物安全部

Photo from 韓國食品和藥物安全部

Photo from 韓國食品和藥物安全部

而FLOWFUSHI發出官方聲明指有關產品嘅放射量比韓國安全標準低好多，出口產品前亦喺日本進行過國內檢測，同樣無超出日本國家安全標準。

FLOWFUSHI官方強調放射量比日常生活接觸到嘅放射量更低，喺安全方面並無問題，但仍然會回收韓國驗出放射性物質嘅嗰10款產品。

Photo from FLOWFUSHI

資料來源：Chemical News

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）