可傳人？！中國雲南蝙蝠現致命「新型絲狀病毒」　研究團隊：可造成致命性出血

近期武漢肺炎確診個案不斷增加，喺大家四處為搶口罩之際，新加坡「杜克-NUS醫學院」喺一項傳染病研究中再發現一種致命嘅新型絲狀病毒，又名「勐臘病毒」。

據國際科學期刊《Nature》報道，今次發現嘅依種「新型絲狀病毒」喺嚟自一隻從雲南中國捕獲嘅果蝠肝臟內。

Photo from shutterstock

新加坡「杜克-NUS醫學院」傳染病研究主任Wang Lin-Fa與中國科學院武漢分院中鄭正立組成研究團隊，從一隻在中國雲南西雙版納勐臘縣捕獲嘅「食果類蝙蝠」肝臟中，發現咗一種新型絲狀病毒，並命名為「勐臘病毒（Měnglà）」。

Photo from shutterstock

研究團隊表示依種新型絲狀病毒，可傳染人類、猴子、狗和倉鼠等動物，造成感染者嚴重發燒及致命性出血。

Photo from shutterstock

其後佢哋更會研究蝙蝠傳播絲狀病毒嘅遺傳多樣性及地理分佈，希望能及早辦別出依種新病毒，並阻止佢好似「伊波拉（Ebola）」絲狀病毒般最後變成疫情大爆發，引發破壞性病毒傳染。

Photo from shutterstock

而現時發現嘅絲狀病毒「伊波拉（Ebola）」、「馬爾堡（Marburg）」均被視為致命病毒，可透過人類器官感染，造成嚴重發燒及致命性出血。

對於今次發現嘅「勐臘病毒（Měnglà）」，研究人員仍在進一步檢測其傳播風險。

Source:nature

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）