病毒可於手機上生存24小時！含菌量比廁所高逾3倍！專家教消毒手機3大貼士

武漢肺炎爆發，世界各地都有確診個案，多國都採取防疫措施，避免出現大規模感染。

保持個人衛生非常重要，除咗要戴口罩之外，更要勤清潔！

之前內地有專家指武漢肺炎除咗飛沫傳播外，更可接觸傳播，我哋每日不離身嘅手機更係高危嘅傳播途徑。

之前英國手機保險公司「Insurance2go」曾經做過一項研究報告指出，手機螢幕嘅含菌量比廁所高3.5倍。

Photo from shutterstock

近日日本綜藝節目《教えてもらう前と後》亦邀請咗呼吸道專家大谷義夫，為大家提供清潔手機嘅小貼士。

1. 選擇適合消毒液

大谷義夫指出病毒喺粗糙表面上例如毛巾停留嘅時間為15分鐘，但喺光滑表面上例如手機，病毒可以存活長達24個鐘，長96倍！

Photo from 《教えてもらう前と後》

佢表示一般含有酒精嘅消毒液，可能會溶解手機mon塗層，導致手機受損，所以唔適合用嚟清潔手機。

Photo from shutterstock

佢建議買返專業嘅螢幕清潔劑。

2. 選擇適當清潔布

粗糙嘅清潔布，容易有殘留物，更會刮花個mon。好似紙巾咁，佢就唔建議用嚟抹mon。

Photo from shutterstock

大谷義夫表示可以揀纖維材質較細嘅布料清潔，眼睛布都可以，或者直接買手機清潔專用濕紙巾。

3. 正確嘅清潔步驟

先將消毒液倒喺細纖維布料上，再抹部手機。注意唔好直接將消毒液倒喺手機上，以免消毒液流入手機入面導致故障。

Photo from shutterstock

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）