癌症病人支持醫護界罷工：佢哋條命都係命，唔係你條命先特別矜貴

武漢疫情持續蔓延，政府仍未宣布「封關」。

星期六「醫管局員工陣線」投票通過罷工議案，並正式開始罷工行動。

【武漢肺炎懶人包】：
香港確診名單｜家居檢疫名單｜病徵｜潛伏期｜口罩供應｜退機票｜房網退訂｜家居消毒

發起罷工嘅工會「醫管局員工陣線」，喺多間公立醫院附近設街站，俾響應罷工的醫護人員簽到。

Photo from 醫管局員工陣線

醫護界希望特首林鄭月娥盡快回應訴求，談判死線為下晝6點，否則會進入罷工第二階段，預料第二階段罷工會有5,000至6,000人參與。

Photo from 醫管局員工陣線

有醫生指唔「封關」，俾更多內地人由疫區湧入香港，先係真正影響醫護人員嘅服務。

有病人就表示支持：「其實我係cancer（病人），我仍然都係要打標靶針。」

Photo from TVB

佢指：「佢哋就算全部罷晒工我覺得都係應該㗎，佢哋條命都係命嚟㗎，唔係你條命先特別矜貴呀！」

Photo from TVB

Photo from TVB

而醫管局就指首階段罷工，急症室服務正常，非緊急手術減少5成。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）