【武漢肺炎】N95滿天飛！馬來西亞華人捐口罩畀中國領事館　被誤當可疑品即場引爆

武漢肺炎疫情持續，市面上可以話係一罩難求！

但喺馬來西亞檳城嘅中國總領事館門外，早前就發生一件誤爆口罩事件，令3箱N95口罩滿天飛！

據《馬來西亞光華日報》報導指，事件發生喺上周五下午3時左右，當地消防部門接獲中國總領事館報案，指門外出現3個可疑箱子。

由於箱子上並冇留下寄件人身份，又冇要求總領事館轉寄之類字句，警方喺接報後大為緊張，並封鎖現場調查，把記者疏散到遠處，並派出身穿防爆衣的拆彈專家及拆彈機械人到場，現場亦有救護車戒備。

但喺拆彈專家及拆彈機械人經多個小時確認，仍無法辨認箱中物品，於是決定引爆。

而從片中可見，現場一聲巨響後，數十個口罩狀物體從紙箱飛出，炸飛至2米多高。

最後警方更證實，箱中物品為N95口罩，事件屬虛驚一場。

其後，事件引發網民討論，指對口罩被爆感到心痛，並提議如果下次再有匿名捐贈，希望捐贈者喺包裝上注明係口罩，以免再引起不必要嘅誤會呀～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）