【武漢肺炎】冇用過抗生素？！越南確診患者即將康復出院　曬太陽加殺菌劑漱口就得

武漢肺炎(新型冠狀病毒)疫情持續，雖然每日都有新嘅擬似同確形個案，但近日分別喺台灣同越南都有好消息傳出。

近日台灣就有消息指一名確診患者健康狀況良好，病毒檢測結果亦呈陰性反應。

Photo from shutterstock

而喺越南一名25歲阮姓女子早前被公司派往武漢受訓約2個月，上月17日搭乘中國南方航空班機返回越南，之後出現發燒、咳嗽與胸痛等症狀，送進清化省綜合醫院接受治療。

清化省綜合醫院院長則表示，阮姓女子當時喺病毒檢測結果中呈陽性，便立即隔離並採取衛生部嘅治療方案包括使用抗生素，以及採用其他支持性療法（給予氧氣、保守的靜脈輸液等），密切監察。

阮姓女子喺接受10日隔離治療過程中，連續6日未有發燒，健康狀況亦回復穩定，再次接受檢測結果時呈陰性反應，加上發燒、咳嗽或胸痛等症狀消失，喺周一（3/2）上午獲准出院。

Photo from shutterstock

另外，兩宗正於胡志明市Cho Ray Hospital接受治療嘅中國確診患者，院方指，其中一名於上月27日起喺多次檢測結果均呈陰性，而另一名日前喺病毒檢測結果中亦首次呈陰性，如喺之後嘅檢測中維持同樣嘅結果，即表示二人已康復。

Photo from shutterstock

院方透露，患者除服用過退燒藥外，並未有使用抗生素，加上每日上午喺醫院天台曬太陽及做運動，喺隔離病房期間會打開窗戶呼吸新鮮空氣，以及讓房間接受太陽光照射，確保室內保持溫暖。

此外，患者每日亦以殺菌劑漱口。

Photo from shutterstock

不過院方稱，佢哋依個治療方法並未獲世界衛生組織（WHO）建議，團隊係按照個人經驗及其他科學根據嚟照顧病患，所以依個治療方法到底係咪所有人都啱用就因人而異喇！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）