【武漢肺炎】台灣學生戴口罩乘俄羅斯地鐵被打 當地人：「你有病毒嗎？中國人滾！」

武漢肺炎疫情全球蔓延，大家衛生意識提高，去到邊都會盡量同人保持更多距離，亦唔會刻意去掂公共物品，總之就係人心惶惶。不過有台灣學生就喺俄羅斯因戴口罩而被打同辱罵。

【武漢肺炎懶人包】：
香港確診名單｜家居檢疫名單｜病徵｜潛伏期｜口罩供應｜退機票｜房網退訂｜家居消毒

根據台灣傳媒報道，有一位台灣學生喺俄羅斯當地嘅莫斯科國立大學做交換生。喺今個月月頭戴口罩撘地鐵時，一直覺得被一名俄羅斯男子望住，更突然被罵「你有病嗎？你有病毒嗎？中國人滾，你到這裡來幹嘛？」

Photo from shutterstock

該名同學表示車廂內有戴口罩嘅乘客唔多，但都有當地人戴口罩。豈料該名男子突然用手重擊其頭部一下，並繼續作勢想繼續打人。落車後，對方仍然隔住車窗對佢大鬧，而車廂內嘅人依然袖手旁觀，認為當地人存有對亞洲臉孔有歧視之疑。

Photo from shutterstock

呢位同學亦分享，近期地鐵上，當地人見到亞洲人都會迴避，甚至有同學去超市都會聽到當地人話：「這麼多中國人，一定很容易被感染。」有台灣人甚至遇到俄羅斯人作勢用櫈打佢。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）