【口罩香港】何超蓮向基層免費派口罩 網民大讚：「人靚心甜！」

武漢肺炎情況依然未平穩，市民仍然到街上排隊買口罩及消毒用品。有見及此，賭王何鴻燊囡囡何超蓮就購入口罩派畀清潔工人丶劏房住戶等人。

【武漢肺炎懶人包】：
香港確診名單｜家居檢疫名單｜病徵｜潛伏期｜口罩供應｜退機票｜房網退訂｜家居消毒

何超蓮 (Laurinda) 噚日 (9/2) 喺其Instagram上發布一張有數十盒口罩嘅相片，表示「買到第一批口罩已經順利到港，這批口罩我們會首先捐予清潔工人丶劏房住戶、醫院及長者。雖然暫時數量不多，但希望能解決燃眉之急。」

Photo from Instagram

超蓮又講到，如果清關運輸順利，第二批口罩亦會陸續到港，亦會盡快分派，希望可以幫助大家渡過難關，亦會優先處理需要最迫切同接觸面最廣泛嘅團體。

Photo from instagram

最後超蓮仲提醒各位要注意個人衛生，並邀請大家踴躍留言，話畀佢知任何可以直接接觸急切需要口罩嘅團體聯絡方法。

有大批網民留言感謝，有人就表示除咗口罩，都希望可以派酒精搓手液，亦有網民建議以到訪方式發送，以免長者又要辛苦排隊。

Photo from Instagram

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）