【武漢肺炎】馬浚偉海外訂購酒精搓手液 希望送經常觸摸公共地方嘅失明人士

全城為撲防疫用品到處排隊。希望可以應對疫情。

一啲弱勢社群例如長者、長期病患等，非常需要防疫物資。

目前公佈嘅新型肺炎傳播途徑除咗飛沫傳播之外，仲有接觸傳播都好易令人感染。

好似失明人士咁，佢哋不時要靠手量度距離，又要觸摸觸覺圖閱讀資料，比一般人更常接觸公共地方。

因此失明人士對消毒手部產品嘅需求亦好高。

藝人馬浚偉就喺海外訂購咗一批酒精搓手液，佢話希望可以順利到貨，送俾失明人協進會使用。

自疫情發展咁耐，社會各界都為出力撲防疫用品，送俾有需要人士使用，真係香港有愛！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）