9成基因識別唔到！巴西驚現新病毒「雅拉病毒」　研究員擔心存巨大變異性

喺依個人心惶惶嘅新型肺炎（武漢肺炎）嘅疫情下，小編又有一個消息要話畀大家知喇！

繼之前尼日利亞出現不明疫症之後，最近有病毒學家喺巴西一個人造湖Lake Pampulha中，發現了一種從未見過嘅神秘新病毒，並以巴西神話嘅水神雅拉（Yara）命名為「雅拉病毒」。

Photo from shutterstock

據Science Alert報導，新病毒大約由80納米大小嘅粒子組成，現時由法國病毒學家Bernard La Scola及巴西病毒學家Jônatas S. Abrahão組成團隊進行研究。

科學家發現，雅拉病毒喺目前已知嘅8,500種基因排序組合中，有90%基因係無法被配對及識別出來。

Photo from biorxiv.org

當中只有約6個基因排序組合可以勉強與病毒有關聯，因此被認為該病毒屬「孤兒基因」。

隨住新病毒被發現，研究人員憂心依個情況即意味著新世界嘅大門已經開啟，病毒恐怕存在巨大變異性。

Photo from biorxiv.org

同時研究人員指出「雅拉病毒」並非用複雜基因組合呈現，但就帶有大量過去未曾發現嘅基因。

希望可以及早研發出對抗依個新病毒嘅藥物或預期方法喇！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）