【武漢肺炎】馬浚偉再訂1萬個口罩送前線醫護 贈營養奶予患癌不便出門李明蔚

喺武漢肺炎疫情唔明朗情況下，多位藝人出心出力，為香港有需要人士送產防疫物資。

包括口罩、搓手液、漂白水等。

【武漢肺炎懶人包】：
香港確診名單｜家居檢疫名單｜病徵｜潛伏期｜口罩供應｜退機票｜房網退訂｜家居消毒

馬浚偉之前喺海外訂購咗800支酒精搓手液，希望可以送畀經常要接觸公共地方嘅失明人士。

Photo from 馬浚偉Facebook

佢琴日再宣佈訂到10000個口罩，打算送畀前缐醫護同有需要機構：「除了已訂的800支酒精搓手液，另外成功在海外訂購了1萬個口罩送給前缐醫護和一些有需要機構，希望能順利到港！一定要順利到港啊！#順利到港??#順利到港?? #順利到港??」

Photo from 馬浚偉Facebook

佢表示星期五會開始送物資，唔不希望製造不必要嘅人流或接觸，所以唔洗麻煩大家做做義工。同時佢謙虛表示：「我只是盡一點綿力做應該做的事！疫情嚴峻，大家都困難，稍有能力的就請盡量伸出援手幫助有需要的！感謝你們！」

Photo from 馬浚偉Facebook

其實佢多年嚟都經常做善事，之前出錢出力幫患癌歌手李明蔚，喺疫症爆發下，李明蔚足不出戶，取消到醫院覆診，以免感染病毒。

Photo from 李明蔚Facebook

馬浚偉為佢送上大批營養奶，李明蔚非常感動：「我真的要再三多謝馬仔哥哥岀錢又岀力為我訂購我的食糧。手術後，我一直無法嚥呑任何固體及流質食物，只能靠這營養奶作為我每天的食糧。」

Photo from 李明蔚Facebook

好人一生平安！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）