港人假日逼爆坪洲！坪洲居民怒斥：有人更搶購廁紙運出市區！

武漢肺炎疫情持續擴散，不少市民避免到熱鬧市區逛街，都會到郊區行山走走，假日更喜歡出走到離島解悶。不過坪洲一間小店昨日就於網上發文斥責指：有本地遊客在島上搶購廁紙，更在碼頭call車運出市區，行為自私又離譜。

小店樓主發文表示：「由於離島遠離市區，所以運送家用物資等都要花費更多的人力物力，而且數量、種類都比較少，很多時都是依靠居民之間互相幫助。坪洲的貨物要舟車勞頓先至可以送到，貨運時間要比市區更久，貨種也比市區少很多，我哋係小社區，街坊都互相尊重、互相幫忙，早前物資恐慌過後再返貨時，大家會留手俾真正有需要嘅街坊買。」而對住港人到島上搶購廁紙，更在碼頭call車運出市區，感到不受尊重

Photo from Cinpou @FB

小店樓主又指：「香港遊客你哋嚟享受完我哋自在嘅空氣，在民居間大大聲喧嘩了一整天後，應該已卸下煩憂，帶著感恩的心輕鬆歸家啦！何苦要用搶走街坊廁紙嚟結束行程呢？這周末嘅瘋狂擾嚷已惹起居民義憤，聽說有人想發起行動了。」

最後小店再三請求遊客要學懂愛惜離島這個家：「香港遊客：離島也是香港一部分，珍惜這個家，唔好搶爛它！嚟玩乖乖地細細聲玩唔得嘅咩？唔搶走離島居民物資唔得嘅咩？乖啦好心你哋！得唔得啫！」

Photo from Cinpou @FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）