台灣包機接過百名旅客離開秘魯！包括美國、新加坡、馬來西亞、日本！
新冠病毒（武漢肺炎）疫情爆發以嚟，多國都採取唔同嘅措施防疫。
秘魯政府為阻止疫情擴散，宣布國家進入緊急狀態15日，全面停止國際航班升降，導致大量外國旅客滯留於秘魯境內無法離開。
其中更有一名港人因患新冠肺炎（武漢肺炎）而於當地不治。
而台灣已於3月19號派出第一班包機接72位台灣旅客離開秘魯。
Photo from 台灣外交部Facebook
第二班的包機亦於3月29號起飛，飛往美國邁阿密。機上除咗55個台灣人，仲包括34位美國旅客、29個日本旅客、14位新加坡旅客、同7名馬來西亞旅客。
Photo from 台灣外交部Facebook
日本台灣交流協會台北事務所代表泉裕泰喺Facebook感謝台方友情洋溢嘅合作：「新型冠狀病毒的關係, 部分日本旅客２９日搭乘駐秘魯台北經濟文化辦事處安排的包機, 能夠平安出境秘魯。對這次台方友情洋溢的合作, 我在此表示由衷的感謝。」
Photo from 日本台灣交流協會Facebook
新加坡外交部長Vivian Balakrishnan亦於Facebook感謝台灣嘅幫助，畀新加坡公民同佢哋嘅家屬搭乘台灣安排嘅包機。
Photo from Vivian Balakrishnan Facebook
喺危機中見到大家互相幫助，好感動呀！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
唔信中國疫情受控！近千中國人申請簽證延期留峇里 中國包機僅少數人乘搭
2 Mar 2020
武漢疫情爆發以嚟已有2個月，期間多國採取「封關」措施，或停止往來中國航班。
而中國亦派出多架包機接國民返國。
印尼峇里島一向係旅遊勝地，當地官員透露，目前有近1000名中國籍人士申請緊急延簽，希望可以留喺當地。
Photo from shutterstock
據法新社報導，只有幾十名中國遊客由峇里島搭包機回國，峇里旅遊局負責人Putu Astawa指咁唔令人驚訝：「佢哋唔想返去。」
Photo from shutterstock
留喺當地嘅中國遊客唔願意返中國，其中一個原因係因為怕會受到感染，另外亦唔相信疫情已經受控，認為政府隱暪咗真實嘅感染數字。
Photo from 路透社
其中一位中國旅客Steve Li就指佢唔信北京所講疫情正受到控制，但由於要管理公司需返國，所以決定等妻子同兩個小朋友留喺峇里。
嚟自北京嘅Zilong Wang表示他寧願留喺峇里留意事態發展。印尼暫時未有確診個案，但佢指會盡量留喺酒店，如果遇到其他中國人，尤其係無戴口罩，都會驚會受到感染。
Photo from 路透社
亦有其他中國遊客準備去其他國家，Heather Wang表示如果未能申請到緊急簽證延期，都唔會返中國，佢指正等待澳洲大使館批准佢嘅入境申請，又指如果澳洲唔批，就會去泰國。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
