東薈城名店倉春季禮遇：購物高達90%折扣！

By Isabella on 09 Apr 2020

Editor

獅子座女生，長期沉迷電影，間中出走異國，相信浪漫是生活。

春天不經不覺就到咗，係時候要整理一下個衣櫃，換過啲新衫重新出發～小編就推薦大家去超過150幾個國際品牌嘅名店折扣商場－東薈城名店倉，幫衣櫃換過啲新衫啦。

作為香港大型名店折扣商場嘅東薈城名店倉，喺去年夏天新增咗擴建部份，擴建之後嘅零售面積增加接近一倍呀，真係可以行足成日都無問題！更重要嘅係，東薈城名店倉商戶提供高達90%折扣優惠，而家仲有一系列春季購物禮遇。想知有咩著數優惠？即刻繼續睇落去啦～

Photo from Citygate Outlets

東薈城名店倉一向係唔少人嘅換季必去地方，因為呢度有唔少國際品牌，可以俾大家攞下新嘅風格靈感。商場仲引入咗50個新品牌，其中包括時裝品牌 Versace、ba&sh、Gap和Superdry⋯⋯當中仲有唔少時尚服飾品牌喺香港首次設立折扣名店，包括：Breitling、Claudie Pierlot、HOUR PASSION （斯沃琪集團旗下的多品牌手錶和珠寶概念精品店）、Maje、Ted Baker 和 Theory⋯⋯實行以最抵嘅價錢吸引大家嚟購物呀！

Photo from Citygate Outlets

除咗服飾品牌之外，為照顧貪靚嘅大家需要，東薈城名店倉同時仲網羅咗45個國際知名美容品牌旅遊零售店cdf Beauty，可以俾大家多一個美容產品方面嘅選擇。此外，其他品牌包括Armani Outlet、Burberry、Chloé、Furla 、Michael Kors、Polo Ralph Lauren、Salvatore Ferragamo、Sandro及Snidel等，都已經全面進駐東薈城名店倉。

Photo from Citygate Outlets

春日型格獎賞

話明要幫衣櫃換過啲新衫，精明嘅小編又點會唔把握購物禮遇嘅機會呢？而家由2020年4月9日起至5月3日，東薈城名店倉仲推出「春日型格獎賞」，即日以電子貨幣消費滿指定金額，就即刻可換領高達港幣1,000元東薈城名店倉購物禮券。

咁著數嘅東薈城名店倉購物禮券，適用於超過140個指定商戶內嘅任何消費，仲不設最低消費金額㗎，務求令大家買得盡興！另外，東薈城名店倉亦網羅多個童裝折扣店，絕對係親子購物好去處。凡換領上述東薈城名店倉購物禮券、當中包括有效童裝消費單據，仲可以換領指定餐廳的兒童餐一份，指定餐廳包括Outback Steakhouse 、羅麥記及饗和民本格串燒·旬鮮料理，一家大細齊齊享春日消閒樂！

Photo from Citygate Outlets