【童年回憶】開播近50年教育電視明年起停拍 重溫3套經典短片！

教育電視簡直係大部分人嘅童年回憶！細個上堂，最期待就係老師搬個電視出嚟，因為知道有教育電視睇！一開電視，個個都會好專心～甚至係主題曲一響起，大家就會跟住唱，就好似...「一理通百理明，明白了計算可變簡單～」！

但係，開播接近50年嘅教育電視下年就會開始停拍，但唔會停播，港台表示會重播以前嘅教育電視短片，好多經典畫面、故事都係大家嘅集體回憶，唔少人都大嘆不捨～不如一齊重溫吓一啲經典嘅教育電視片段，以下3套大家一定有睇過！

1.學數學嘅ETV《一理通百理明》
數學呢樣嘢，從來都冇得死背！要靈活運用、變通，首先要了解佢嘅原理！即係「一理通 百理明」！

Photo from 《一理通百理明》

嗰陣音樂一響起，全班都會跟住唱「一理通百理明，明白了計算可變簡單！全心探討數學 明道理答案終會找到！」過咗10幾年，都仲識唱，就知佢威力幾大啦～

Photo from 《一理通百理明》

不過電視內容係咩就唔記得晒嚕～

2.教常識嘅《細菌大王》
你冇理由唔記得七彩顏色嘅細菌大王、
結核菌、霍亂菌同白喉杆菌等細菌開party啦～

Photo from 《細菌大王》

當年未有製作動畫嘅技術，所以1993年播放嘅片段《病魔的毒計》，
係用Stop Motion方式拍攝，成條片一共拍拍咗9個月，真係要好有心先做到！

3.中文必學標點符號《下雨天留客天留我不留》
有個細路因為爺爺爺當年冇用標點符號，搞到染病過世。

Photo from 《下雨天留客天留我不留》

幾十年之後，個孫喺啲同學面前拎返出嚟講：「如果我阿爺當年識得用標點符號，就唔使畀啲雨淋到病死咗啦！」

Photo from 《下雨天留客天留我不留》

Photo from 《下雨天留客天留我不留》

當中一句「下雨天留客天留我不留」，簡直係經典中嘅經典，相信冇人會唔記得～

小編成日覺得，睇一集ETV，好過聽老師講10堂書～不過以後冇嚕！

多謝教育電視陪住我哋走過做小學雞嘅日子～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）