著名建築大師打造！日本複合式角川武藏野博物館　預計2020年6月開幕　

日本嘅美術館設計特別，唔少人去日本玩，除咗shopping之外，仲一定會行吓美術館打吓卡，扮吓文青。

嚟緊日本又有新景點喇！

喺日本埼玉縣所澤市就正打造一間複合型藝文設施博物館 - 角川武藏野博物館。

Photo from 角川武蔵野ミュージアム

依間博物館係日本角川集團與埼玉縣所澤市共同策劃嘅地區整體營造計畫「COOL JAPAN FOREST」嘅代表建築，位於大型複合式設施「所澤櫻花城」之內，並由日本當代最著名嘅建築大師之一嘅隈研吾設計。

角川武藏野博物館由2萬塊左右的花崗岩組成，從外觀睇就好似一座拔地而起嘅石山咁。唔同色澤嘅花崗岩互相拼貼，喺陽光下更展現出多變嘅面貌。

Photo from 角川武蔵野ミュージアム

博物館從地下到地上共有5層，有圖書館、美術館與博物館。

Photo from 角川武蔵野ミュージアム

博物館嘅4樓同5樓係貫穿嘅，係一個高約8公尺嘅「書架劇場」，置身於其中就好似被巨型書架包圍一樣。

館內主要販售角川集團與其他出版社嘅書籍，仲會定期舉辦「與書嬉戲、與書交流」為主題嘅展示活動。另外仲有年輕人最愛嘅「動漫文化」，動畫、書籍、電影、遊戲等等應有盡有。

Photo from 角川武蔵野ミュージアム

除咗展演空間外，博物館亦設有體驗型飯店、餐廳「角川食堂」、製書物流工廠及角川集團辦公室等等......

角川武蔵野ミュージアム from 角川武蔵野ミュージアム on Vimeo.

這間博物館預計於2020年6月6日開幕，11月就會全館開放，以後去日本又多個地方可以朝聖喇～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）