日本一星米芝蓮餐廳推抗疫送暖活動　每日贈逾600份便當為前線醫護人員打氣！

新冠肺炎全球持續，各國嘅前線醫護人員面對前所未有的壓力。

而喺日本東京澀谷區就有一間一名擁有米芝蓮一星嘅法式餐廳「Sincere」，佢哋嘅44歲大廚石井真介忽發奇想，發起「Smile Food Project」活動。

Photo from シンシア / Sincere

依個活動自4月初開始，石井真介聯同一班熱心嘅大廚一同製作便當，免費送畀前線醫護人員，希望以美食向佢哋打氣，就連擁米芝蓮2星嘅外賣餐廳CITABRIA都有參與。

Photo from シンシア / Sincere

便當以好吃、富營養為主，食料選用當地嘅時令蔬果及肉類，當然唔止好依就連賣相都絕不馬虎，西式或日式都有齊，任君選擇。

Photo from シンシア / Sincere

Photo from シンシア / Sincere

便當包括前菜、主食、甜品及熱湯，如：烤雞卷、野菜沙律、炸物、和菓子或壽司等，非常豐富。

Photo from シンシア / Sincere

石井真介解釋指，今次依個活動其實係由一個身處法國嘅日本廚師發起先嘅。直到今月1日為止，佢哋已總共向15間醫院贈送約2500份便當。

Photo from シンシア / Sincere

醫院可以從活動網頁進行登記，佢哋每日最多可向2間醫院各送300至400份便當。

Photo from シンシア / Sincere

而且佢哋強調便當嘅製作環境及過程有嚴遵衛生守則，所有職員會戴帽、手套及鞋套，同時亦會檢查各人體溫，每位職員喺工作期間亦會保持距離。

Photo from シンシア / Sincere

Photo from シンシア / Sincere

Photo from シンシア / Sincere

喺外送便當期間，佢哋會用有冷藏櫃嘅貨車運送便當，直到醫院停車場交收，確保便當唔會被細菌感染。

Photo from シンシア / Sincere

其中負責製作便當嘅大廚Yuya Okuda表示，希望透過活動為醫護人員打氣，就算只係一點點都好，希望他們可以從中感受到製作菜式之人嘅熱情及力量，繼續加油。

另外，Sincere更自疫情爆發後推出外賣材料包，材料包中除咗有齊所需嘅食材外，仲有餐廳手繪嘅料理製的圖解，令想食到餐廳菜或嘅大家就算「緊急狀態令」都可以自己煮，認真心思誠意十足呀！

Photo from シンシア / Sincere

唔知香港會唔會有呢！？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）