疫情爆發逾5個月！世衛首次建議戴口罩！早前只建議醫護人員/患者戴口罩

新冠肺炎（武漢肺炎）疫症爆發以嚟，世界衛生組織多次表示唔建議市民戴口罩。根據最近幾個星期出爐嘅研究報告，世衛宣布更新指引，建議公眾喺無法保持社交距離嘅地方戴口罩。新冠肺炎（武漢肺炎）疫症爆發至今已超過5個月，全球確診人數突破700萬。

多國都要實施「封關」、「隔離令」等，以免感染數字進一步上升。

期間世界衛生組織（World Health Organization）官員喺唔同場合記者會上均指出唔建議市民戴口罩。

官員指無明確證據顯示戴口罩有任何潛在好處，而且物資不足，口罩應留畀最有需要使用嘅人士，包括醫護人員、患者。

上星期，世衛最新指引首次建議市民戴口罩！譚德塞喺記者會上表示，喺無法保持適當社交距離嘅地方，如公共交通工具、商店、封閉或人流較多等地方，大眾應佩戴口罩。

但佢補充戴口罩唔係唯一免受感染嘅防護措施，需配合洗手、保持社交距離等措施。

世衛傳染病控制專家April Baller指世衛更新指引其中一個原因係因為愈來愈多證據顯示，病毒喺患者出現病徵前已經可以傳播，並建議民眾用布口罩或衣物代替口罩。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）