昨香港多區雨後見彩虹 水倒影如連成圈 部分地區更現雙彩虹！

琴日驟雨連連，時而落大雨，時而放晴。黃昏時分，市民喺各區都見到彩虹嘅出現！有啲地方更係見到雙彩虹添～唔知大家琴日又見唔見到呢？好多網民都紛紛喺唔同嘅討論區、社交網站上載自己拍下嘅「彩虹照」！

Photo from 天文台Facebook@

Photo from 天文台Facebook@Iris Tang

Photo from 天文台Facebook@CatWong

Photo from 天文台Facebook

當中有位於深井嘅網民影到好壯觀半圓大彩虹，彩虹反射喺海面，倒影就好似將佢連成一個大圓圈咁～雖然天上仲有烏雲，但連連驟雨將空氣中嘅薄霧同煙霞洗走，令大彩虹清晰可見，非常夢幻！

Photo from 天文台Faceboook@Yuwa Tsang

亦有住喺香港仔嘅居民，喺屋企望出窗外，同樣見到大半圓彩虹，認真令人羨慕！

Photo from HolidaySmart

Photo from HolidaySmart

Photo from HolidaySmart

天文台指，陽光由唔同波長嘅光組成，當大氣有水點時，太陽光線首先會被水點折射，之後喺水點內反射再折射出來，形成彩虹，亦即係主虹；若光線喺水點內反射兩次，就會產生稱為「霓」嘅第二道彩虹。

Photo from IG@Kennethmkm

要見到雙彩虹唔容易～因為要配合好多條件先見到雙彩虹，所以雙彩虹都算係罕見嘅天文現象！

曾有堪輿學說法認為雙彩虹寓意上天拔劍張弓且禍不單行，但亦有人話過，見到雙彩虹係有好運嘅意思！

無論寓意好定唔好，睇到難得一遇嘅雙彩虹，都係一種緣分，都係將佢拍低最實際！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）