日本全國確診數破1.8萬！岩手縣疫情爆發以來仍維持零確診！

日本自肺炎疫情爆發以嚟，全國累計確診數已突破1.8萬，46都府縣都有確診個案。唯獨岩手縣疫情爆發以來仍維持零確診！獲稱為「岩手縣的奇蹟」。大眾都關注岩手縣防疫非常成功。據日本放送協會報道，日本全國境內以及鑽石公主號郵輪，累計有超過18,000宗確診個案。

Photo from Presslogic

47個都道府縣中，有46個都道府縣都出現確診病患，唯有岩手縣到今日仍維持「0確診」，成為日本嘅「奇蹟」。

Photo from 岩手県庁

岩手縣人口大約有123萬，要維持零確診一定唔簡單，《華爾街日報》訪問咗當地負責防疫工作嘅官員。

岩手縣知事表示岩手縣經歷過日本311大地震嘅侵襲，成立 ICAT（感染控制支援小組），所以有經驗應對緊急狀況，立即邀請各個領域代表處理。

Photo from Presslogic

ICAT 針對老人同殘疾人士等弱勢群體提供防止傳染病措施嘅建議，而311大地震後當地居民嘅危機意識上升，加上 ICAT 同縣政府持續宣傳，成功提高居民對傳染病嘅認識。

Photo from Presslogic

防疫人員喺新幹線月台上亦會為旅客測量體溫等。另外官員又表示岩手縣去東京嘅新幹線來回票要3萬円以上，外來旅客較少，而且同居民認真勤洗手有關。

Photo from Pinterest

資料來源：産経ニュース、まいどなニュース

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）