7-ELEVEN全新日本甜品系列 一共8款 7-SELECT x OREO系列 OREO忌廉盆栽甜品杯超吸睛

相信唔少朋友仔都好似小編咁，每次嘅旅行To Do List都一定有便利店份。晚晚返到酒店都會落樓下便利店買宵夜，咁多個地方入面，小編就非常鍾情日本喇！種類選擇多，尤其係佢哋嘅甜品，真系款款有驚喜啊～！雖然依家未有得去旅行，唔怕！香港7-Eleven嘅自家品牌7-SELECT最近就推出咗一系列日本直送甜品，當中仲有同OREO首度聯乘合作甜品，畀大家「一解相思之苦」。

7-SELECT日本直送甜品系列，一共有8種款式，全部都係以日本原材料製成，而價錢亦相當實惠，每款甜品由$10至$18不等。

7-SELECT x OREO系列

OREO真係由細食到大，除咗好食之外，仲係好多人嘅兒時回憶，所以每次有OREO聯乘產品，都一定超搶手～相信今次嘅7-SELECT x OREO系列都唔例外，款款都勁吸引，又會引嚟一股搶購熱潮啦～

7-SELECT x OREO系列一共有3款甜品。

#1 7-SELECT x OREO 曲奇忌廉瑞士卷（$15）

7-SELECT嘅瑞士卷一直都好受歡迎，蛋糕軟綿又充滿蛋香，啲cream仲又多又滑，今次加埋粒粒OREO曲奇碎，口感更加豐富啊～！

#2 7-SELECT x OREO 曲奇忌廉泡芙（$15）

同樣都係7-SELECT皇牌嘅泡芙，軟熟帶有蛋香，包住用上OREO曲奇同北海道牛奶，以獨家配方製成嘅超香濃曲奇忌廉，雙重口感，正啊！

#3 7-SELECT x OREO 曲奇忌廉盆栽甜品杯（$15）

超驚喜嘅盆栽甜品杯！細細杯，菂式可愛，一共有兩層，底層先係以OREO曲奇同北海道牛奶忌廉製成，柔軟幼滑嘅曲奇忌廉，頂層再加入酥脆嘅OREO曲奇碎，即刻提升口感層次～

除咗OREO系列係必食之外，都千祈唔好錯過其他同樣超吸引嘅甜品啊！

7-SELECT 雲尼拿千層蛋糕（$18）

女仔最愛嘅千層蛋糕，嚴選日本原材料製成嘅pancake皮，非常透薄軟綿，再加上北海道牛奶雲尼拿忌廉，口感軟滑細膩。

7-SELECT 朱古力脆脆忌廉班戟（$10）

超級軟糯嘅pancake皮，包住濃郁嘅朱古力脆脆同朱古力醬，仲有充滿奶香嘅牛奶忌廉，朱古力迷必試啊！

7-SELECT 迷你吉士泡芙（$10）

超可愛嘅迷你泡芙，充滿蛋香嘅泡芙入面係滿滿嘅吉士忌廉，仲係用北海道牛奶整㗎～味道香濃細滑，真係忍唔住一粒接住一粒食呢～

7-SELECT 雙層忌廉吉士泡芙（$13）

同樣係用北海道牛奶製成嘅忌廉，配上香濃吉士，特別之處在於打孖上嘅忌廉吉士，令泡芙嘅口感更加軟滑細膩。

7-SELECT 牛奶忌廉瑞士卷（$13）

呢個不得了！蛋糕入面係有海量嘅北海道牛奶忌廉，一啖咬落去，滿口極濃郁嘅cream，真係用料十足，好幸福啊～

#優惠呈報：買7-SELECT甜品加$8換購7Café即磨咖啡

咁多款日本甜品，係咪睇見都想食呢～？咁就襯住依家做緊優惠，買任何7-SELECT甜品加$8，就可以加配7Café熱即磨咖啡一杯！你哋都快啲去7-ELEVEN買黎試吓，回味吓日本旅行嘅滋味啦～

Presented by and photo from: 7-ELEVEN