日本首次有地方立例禁邊行邊用電話 為減發生意外機會 7月起生效！

正所謂：「不要低頭，光環會掉下來～」身為公事繁忙嘅香港人，機不離手是常識吧～不過，邊行邊用電話真係好易發生意外，尤其是過馬路嗰陣！所以有地方為此立例，希望可以減少因為唔睇路而出意外嘅機會！

日本神奈川縣大和市議會上星期四（6月25日）通過議案，禁止市民喺公眾地方邊行邊用電話！法例今個星期三（7月1日）生效，不設罰則。係首次有地方立相關法例～

新法例要求市民喺市內道路、車站前廣場或公園等公眾地方行路嘅時候唔准用電話！如果要用的話，就要企定定一個位，而且嗰個位唔可以阻住其他人／交通！

大和市今年1月喺兩個地點研究，觀察咗一共6000名行人，發現當中約12%人會邊行邊用手提電話！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）