日本出現「口罩刑警」專捉人唔戴口罩！屬市民自發行為 有網民評作法太偏激！

世界各地嘅疫情慢慢有緩和嘅跡象，尤其身處喺又焗又熱嘅香港，大家都想除低口罩透吓氣！不過即使天氣幾熱，又或者確診數字有回落，都唔應該鬆懈住！有時喺車廂仲會見到有人拉低口罩咳，甚至直程唔戴口罩出街！撇除有人真係唔記得戴，不過亦有人係真係突登唔戴嘅～見到都有啲驚

Photo from HolidaySmart

最近日本就出現「口罩刑警」，專捉人唔戴口罩！不過佢哋嘅手法就有啲暴力喇！

Photo from 日本節目グッとラック

日本唔同節目都有就「口罩刑警」做街訪，有市民接受訪問時稱，呢啲「口罩刑警」一旦發現公眾地方有人唔戴口罩就會大聲指罵，有人試過畀佢哋吐口水，更有小學生受到死亡威脅，非常恐怖！

有女士出門忘記戴口罩，被老伯伯指罵兼吐口水！

Photo from 日本節目グッとラック

Photo from 日本節目グッとラック

Photo from 日本節目グッとラック

Photo from 日本節目グッとラック

有年輕女士搭公共交通工具冇戴口罩，有位西裝男對住佢大聲指罵「冇常識」，喊住落車～

Photo from 日本節目グッとラック

Photo from 日本節目グッとラック

Photo from 日本節目グッとラック

有網民就認為呢班「口罩刑警」自己太過緊張，希望佢哋唔好麻木不仁，有適當嘅警惕同善意嘅提醒就足夠了！

日本當局亦擔心市民夏天嘅時候，會因長期戴口罩而中暑，建議市民若果喺室外、空氣流通嘅情況下，人與人間保持2米以上距離嘅話就可以選擇除口罩～

每個人都做好自己嘅本分，唔好互相攻擊、批鬥喇！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）