戀愛可成功減肥！日本節目實測1星期減7磅！有靚仔親親做獎勵

日本綜藝節目《オンナの噂研究所》請嚟一位想減肥女性，成功減磅即有靚仔嘅鼓勵同獎勵，節目安排嘅男生雖無實際幫助女仔減肥，但一星期後，女生仍成功減咗7磅！

減肥瘦身係每個女生嘅畢生事業，不過咁多減肥方法都唔係樣樣都work，日本綜藝《オンナの噂研究所》就以「戀愛可唔可以幫人減肥？」為主題製作一期節目。

節目邀請到一位想減肥嘅女生美奈，並安排一位靚仔「幫手」，不過靚仔無做任個實際幫到對方減肥嘅行動。

美奈每日都要去靚仔屋企磅重，實測前美奈嘅體重為「55.2KG」。

為見靚仔，美奈只食低熱量食物，而且亦有做運動，結果第二日成功減至53.6KG！而靚仔就以自己嘅聯絡方法作為獎勵。

靚仔「幫助」美奈嘅方法就係不時send短訊鼓勵佢：「小美奈，有無認真減肥呢？我會一直留意你，所以你唔可以偷懶㗎！好期待見到減肥成功嘅美奈啊！」

去到第三日，美奈再減到52.85KG，成功獲得靚仔抱抱作獎勵。

到第四日，美奈體重竟然反彈至53.55KG！原來佢一時得意忘形，食咗唔少高熱量煎炸嘢食，令靚仔嬲嬲豬咗！

為挽回靚仔嘅心，美奈再次下定決心努力減肥，又節食又做運動，最後成功減至51.85KG！

一星期減到3.35KG（約7磅），成功獲靚仔錫錫同公主抱作獎勵。節目最後訪問美奈，佢認為戀愛真係可以幫到人減肥，戀人嘅鼓勵係努力減肥嘅動力。

來源：《オンナの噂研究所》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）