林曉峰同前女友拍拖12年！毀容後承諾照顧一生一世！現同康子妮再見亦是朋友

林曉峰（阿Lo）與康子妮驚爆離婚！離婚消息爆出後，林曉峰發文感謝康子妮付出。阿Lo與康子妮結婚前曾有拍拖12年女友，女友不幸毀容更曾力數兩人。林曉峰當時力撐康子妮非第三者。

林曉峰（阿Lo）與康子妮於2002年結婚，兩個仔仔分別17歲及15歲。上年更出演真人騷節目大晒恩愛，點知卻傳出離婚消息。

阿Lo喺IG發文指同康子妮從2001年相識，2002年結婚，大家一直真心為呢個家庭付出，又指康子妮幫佢完成結婚、生小朋友、成立自己家庭嘅夢想：「是她成全了我。」

而阿Lo又del晒社交網站同康子妮嘅合照，有指兩人婚變源於第三者介入。

林曉峰深夜再出post為康子妮出頭，更tag埋對方：「我同你（康子妮）冇仇冇恨就好
何須理會他人指指點點
只有我同你（康子妮）明白 呢個係對大家最好嘅決定
你（康子妮）已經付出所有 以後為自己理想努力向前
再難聽嘅説話都可能會出自人哋嘅口 只要你、我及真正愛護我哋嘅人安好 就天下太平?」

康子妮雖然無公開回覆，但係就畀咗個like，兩人互相鼓勵，可見佢哋再見仍是朋友。

其實同康子妮結婚前，林曉峰本有一位拍拖12年嘅女朋友，可惜發生意外，不幸毀容。當時林曉峰表示會照顧對方一生一世。

翌年林曉峰同康子妮相識，拍拖一年之後結婚，林曉峰前女友曾公開力數林曉峰未正式同佢分手，林曉峰接受商台訪問時力撐康子妮並非第三者。

圖片來源：康子妮微博、林曉峰IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）