馬國明晒與高海寧親密合照 靚湯呷醋！馬明即留言呵返女友

馬國明同湯洛雯愛的高調，雖然甚少同場合影，但不時喺社交網站互動放閃。呢排馬明與高海寧合演《C9特工》，更喺IG post出親密合照，女友靚湯留言呷醋，馬明即氹返靚湯，好曬啊！

馬國明自同湯洛雯公開戀情後，經常喺IG互動，靚湯一post新相，馬明即刻火速留言，而湯洛雯亦不時喺男友IG post留言下面出現。

Photo from 馬國明IG

馬明同靚湯多數以「Emoji」溝通，靚湯更曾經「嫌棄」男友每次留心心眼Emoji無新意！

Photo from 湯洛雯IG

最近馬明同高Ling高海寧合作主演嘅《C9特工》播出，馬明都有喺IG出post宣傳新劇。

Photo from 馬國明IG

佢仲罕有晒出同高Ling嘅「親密合照」，向高Ling示愛：「高大勁真係好❤cute媽嫁……???」高大勁同cute媽分別係馬明同高Ling喺劇中角色。

Photo from 馬國明IG

「正印」湯洛雯秒留一個大喊Emoji「?」，馬明見女友呷醋，即刻回覆呵返：「高大勁咋……???」以示忠心，表明只係劇中角色高大勁愛cute媽，並唔係自己。

Photo from 馬國明IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）