精選 6 款消滯茶飲　材料/做法簡單！日常唔覺意食多咗食滯咗都啱用～

新年期間相信大家都食咗唔少應節食品，有冇少少覺得食到飽飽滯滯咁呢！唔駛怕今次小編為大家準備咗 6 款消滯茶飲，就算真係唔小心食多咗都唔怕喇！

好多人都知普洱茶中有大量嘅咖啡因同單寧酸，可以有助刺激胃酸幫助消化。但濃茶都唔係個個啱飲，如果啱飲得濃茶，咁亦可以選擇綠茶，綠茶中含有豐富抗氧化物兒茶素同茶多酚，亦有助消化。不過胃腸功能較差嘅人喝淡茶較合適。

不過部分人係屬於少少茶都唔可以飲嘅情況咁又可以點算？不如試吓下面依 6 款呀！

1. 無糖嘅熱檸水

熱檸水中嘅酸味可以刺激胃酸分泌同埋促進腸臟蠕動，所以都有幫助消化解滯嘅作用～

材料：檸檬、熱水

做法：喺熱水中加入兩至三片檸檬

不過記住唔好飲過量同太濃，過酸會令胃酸過多，引起胃部不適。

2. 山楂布渣消滯茶

熱底人士容易出現氣機阻塞，鬱而化熱，胃中灼熱痛，胃酸倒流，大便秘結，舌紅苔黃膩等症狀。

材料：山楂19克、萊菔子11克、枳實11克、雞內金11克、布渣葉19克

做法：清水3碗，以文火煎至碗半飲用。

功能：消食導滯、瀉下泄熱

注意：此方具有清熱輕瀉嘅作用，大便溏瀉者忌服。

3.山楂決明子消滯減脂茶

材料：山楂10克、決明子10克

做法：將山楂和決明子加入熱水中泡10分鐘後可以飲用。

功能：有助脂肪分解、潤腸通便

注意：山楂不宜跟人蔘等補藥同服。胃酸過多、脾胃虛弱、孕婦，授乳期間婦女及長期病患者均不宜使用。

4. 山楂除滯飲

若平時未見特殊寒熱之症，惟過量進食後出現胃中脹悶、胃納減少之症，可服以下消滯茶。

材料：山楂11克、麥芽11克、谷芽11克、雞內金11克、大棗11克、陳皮7.5克

做法：清水4碗，以文火煎30分鐘代茶飲用。

功能：消食導滯

5. 健胃養胃飲

平時脾胃虛弱，一般神疲倦怠，納呆食少，舌淡胖，苔白，應以健脾調胃為主，輔以消食之品。

材料：北蓍11克、黨參11克、白朮11克、雞內金11克、神曲11克、大棗3枚、甘草7.5克

做法：清水3碗半煎至碗半飲用。

功能：補脾養胃、益氣消滯

注意：高血壓人士慎服北蓍，服用前應諮詢中醫師意見，或可去之不用。

6. 袪寒消食飲

寒底人士胃中冷痛，惡寒，大便溏瀉，舌淡胖苔白膩。

材料：山楂11克、神曲11克、黨參11克、生薑2片、木香7.5克、陳皮7.5克

做法：清水3碗，以文火煎至碗半飲用。

功能：袪寒養胃、行氣消滯

Photo from Presslogic

以上幾款茶飲都可以輕鬆消滯，快啲試下啦～另外食飽之後最好都係企一陣先坐，或者散吓步，都可以有助消化㗎！！

最後都要提提大家 5 個注意事項：

1.應在食月餅後或食滯後飲用，不應喺未見徵狀前服用。

2.不應空腹服用。

3.小孩臟腑嬌嫩，不能胡亂服用中藥，服用前應先諮詢中醫師意見。

4.老人家若需長期服用西藥，不應與中藥同時飲用。

5.長期胃病患者見胃酸倒流嚴重，應慎服山楂，可將其用量減至2錢，另加海螵蛸3錢。

P.S 如有疑問，可先向註冊中醫師諮詢。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）