日本擬11月起率先開放中/台/韓等12個國家國民出境限制！離全面解禁再進一步～

今年各國因為疫情關係都出現封關嘅情況，而香港人嘅「後花園」日本亦唔例外，目前日本就禁止咗 159 個國家及地區旅客入境，只有部分商務人士可獲豁免。而繼早前傳指日本有意喺明年春開關後，今日再有日本傳媒報導日本計劃喺 11 月率先開放日本民眾前往台、中、韓、澳等12個國家、地區。

據日本《讀賣新聞》報導指，日本政府針對傳染病等危險資訊，將出國管制分為4個等級，因應防疫，目前一共有 159 個國家與地區被列為第3級「請不要前往」級別。

Photo from Presslogic

但近日，日本政府就為活化經濟活動，正研究於 11 月 1 日起，將包含台灣、中國、澳洲、紐西蘭、新加坡、韓國、越南及馬來西亞等 12 個國家與地區嘅管制等級，調降至第2級「避免不重要、不緊急的出國」級別。

Photo from Presslogic

報導亦指，今次係自疫情爆發以嚟日本首次調降管制等級。不過目前仲有唔少國家仍處於封關狀態，但日本出國管制調降到第2級後，將有助於日本人前往各國出差或長期駐點等商務行程。

Photo from Presslogic

唔知依知會唔會喺全面解禁嘅先兆呢？！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）