【螃蟹品種】香港8大蟹種類！三點蟹+花蟹+膏蟹+紅蟹+肉蟹+黃油蟹當造期一覽
【螃蟹品種｜大閘蟹季節】秋風起，除咗行山、郊遊之外，最好就梗係食蟹喇！但除咗時令嘅大閘蟹之外，喺香港買到嘅蟹種仲有依啲可以選擇，有啲仲一年四季都在得食添！
Photo from HolidaySmart
今次就綜合咗 8 種喺香港最常見嘅蟹類介紹畀大家。
| 蟹種 | 月份 |
| 三點蟹 | 11～12月 |
| 花蟹 | 10～3月 |
| 紅蟹 | 2～3月 |
| 肉蟹 | 3～4月、7～9月 |
| 膏蟹 | 6～7月 |
| 黃油蟹 | 6～8月 |
| 長腳蟹 | 9～2月 |
| 大閘蟹 | 農曆 9～10月 |
三點蟹
三點蟹屬鹹水蟹，肉質比較鮮味。其特徵就係蟹殼上嘅三個圓點。一般喺中國、日本、夏威夷等地都有出產。香港雖然全年都食到，但最為肥美嘅食用時間為 11 月及 12 月。
Photo from Printerest
花蟹
花蟹可分為紅花蟹及藍花蟹，肉質較軟，蟹味淡。一般分佈喺印度洋及西太平洋一帶。而香港嘅花蟹大部分係嚟自中國沿岸，每年 10 月至翌年 3 月最好食。
Photo from Printerest
紅蟹
紅蟹肉質厚實，蟹味鮮甜。主要生產地喺中國、香港、台灣、日本等，全年供應，當中以 2 月至 3 月嘅最好。
Photo from Printerest
肉蟹
肉蟹屬半鹹淡水蟹，係雄性青蟹，肉質比較爽滑。主要分佈喺熱帶及亞熱帶嘅鹹淡水海域。每年嘅 3 至 4 月及 7 至 9 月最當造。
Photo from HolidaySmart
膏蟹
膏蟹同肉蟹一樣都係半鹹淡水蟹，不過膏蟹就係雌蟹嚟。膏質稠密，喺光線透視下可以睇到蟹膏充滿殼嘅兩邊。雖然肉蟹同膏蟹一樣係青蟹，但佢哋就當造期就好唔到，膏蟹喺每年夏季 6 至 7 月係產卵期，會比較肥美，所以唔太適合秋冬食。
黃油蟹
黃油蟹其實都係膏蟹嚟，成因全因為夏季海水水溫升高，令蟹膏分解成橙黃色嘅油質並滲透蟹身。而黃油蟹亦分為三類，海黃油、基圍油以及塘油蟹，當中以海黃油嘅油質同肉質最佳。最適合就係喺每年 6 月至 8 月期間品嘗。
Photo from Printerest
大閘蟹
農曆 9 同 10 月依兩個月最靚嘅季節限定大閘蟹，俗語有云「九月圓臍十月尖，持螯飲酒菊花天」就係講緊大閘蟹。高品質的大閘蟹，黃和膏吃起來甜且會回甘。雌蟹只有蟹黃（卵子），呈橙紅色，俗稱紅膏，食起嚟仲會有啲好似蛋黃嘅味道添；而雄蟹就只有蟹膏（精子），煮熟後會呈乳白色半透明果凍狀，俗稱白膏。
亞拉斯加長腳蟹
每年9至翌年2月是食亞拉斯加長腳蟹的好時機，其肉質非常鮮美，主要來自北美太平洋北部等寒冷海域、白令海及日本海的深海。購買時，把蟹捧起來，有「墜手感」，表示新鮮。另外也可嘗試聞味道新鮮的蟹，會有海鮮味，不新鮮的則有阿摩尼亞味。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
