【日劇】傳堺雅人接拍《律政狂人 3》　原本班底或不會全數回歸？

堺雅人出演嘅日劇《半澤直樹2》一開播就成為咗日本嘅收視冠軍！但一班劇迷其實都好希望佢另一部熱播作品《律政狂人》（Legal High）可以再添食，延續古美門嘅毒舌！而近日終於有好消息啦！有傳堺雅人喺明年 1 月就會開拍《律政狂人 3》啦～

Photo from 《律政狂人》poster

據日媒報導，堺雅人拍攝《半澤直樹2》嗰時都係住工作室，好少返屋企，所以喺劇集殺青後，佢就返屋企照顧一對仔女，而老婆菅野美穗就去開拍新劇。

Photo from pinterest

但因為堺雅人係收視嘅保證，加上時隔 7 年開拍嘅《半澤直樹2》咁收得，所以富士電視台都希望快啲開拍時隔 7 年嘅《律政狂人 3》。

Photo from 《律政狂人》劇照

Photo from 《律政狂人》劇照

不過觀眾就有啲擔心班底會有所變動，事關飾演全能管家「服部叔」嘅演員－里見浩太朗依家已經 83 歲，唔知佢有無足夠嘅精神同體力回歸劇集。

Photo from 《律政狂人》劇照

至於飾演忍者兼古美門助手嘅演員－田口淳之介就喺上年因為持有大麻被捕，所以可唔可以回歸都係未知之數。

Photo from 《律政狂人》劇照

而古美門嘅歡喜冤家－結衣 bb 就好大機會回歸，繼續同古美門瘋狂鬥嘴～

Photo from 《律政狂人》劇照

Photo from 《律政狂人》劇照

如果消息屬實，《律政狂人 3》預計會喺明年 7 月開播，各位劇迷到時又可以欣賞到堺雅人嘅演出啦！

Photo from 《律政狂人》劇照

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）