【11月星座運勢】獅子、處女、天秤、天蠍運程一覽！處女感情運跌谷底？

獅子座、處女座、天秤座及天蠍座今個月運勢如何呢？

延伸閱讀：《白羊、金牛、雙子及巨蟹11月運程一覽》

獅子座
獅子座今個月嘅平均運勢唔錯。要注意少啲比較，就唔會心生怨懟。今個月喺生活上要記住，錢可以解決嘅問題都係小事，遇到一啲小麻煩可以用錢解決，從而幫你慳返啲時間，可以做更多嘅嘢。今個月獅子座擴展合作機會係非常重要，與人交際方面，一啲無用嘅說話內容盡量減少，要照住自己嘅諗法進行，就會得到好好嘅進展。

Photo from gem0816@IG

Photo from Pinterest

處女座
處女座今個月工作同金錢運都處於高峰，不過感情運就谷底了。要注意喺同人相處嘅時候，要令自己變得更有趣，先至會容易被注意到，多啲幽默，咁樣有助於感情運勢。喺金錢方面，雖然今個月好旺，不過空閒時間都唔好浪費，可以做一啲理財規劃，只要有付出，就會有意外嘅收穫。工作上，盡量配合上司嘅指令，會有好好嘅收穫。

Photo from jolin_cai@IG

Photo from Pinterest

天秤座
天秤座嘅朋友今個月嘅花費應該幾多吓，特別係喺玩樂方面，所以盡可能都要留意吓。喺感情上，同人嘅相處會唔錯，喺心情唔好嘅時候可以同另一半傾訴吓，會增進關係。不過喺工作上同人相處就要記得隱藏思緒，冷靜淡定，先至唔會容易畀人睇穿。

Photo from kootinlok_louis@IG

Photo from Pinterest

天蠍座
天蠍座嘅朋友如果今個月喺工作上同其他人有唔同諗法嘅時候，可以提出，即使會有爭論，但都可能會得到一個更好嘅方向，所以唔好怕發生衝突。喺感情方面，同另一半相處可能會處於一個比較悶嘅狀態，呢個時候就需要提出自己嘅諗法，有溝通先會有進展。喺金錢上，可以有必要嘅投資，應用則用。

Photo from choisaaaa@IG

Photo from Pinterest

之後會有射手座、摩羯座、水瓶座及雙魚座，記住留意啦！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）