釜山海陸兩用巴士試行　嚟緊去釜山玩有新交通工具？

坐船大家就坐得多，海上巴士大家又坐過未呢？嚟緊釜山可能會開通「海陸兩用巴士」而且早前仲舉行咗試行儀式！

韓國政府一直都希望喺釜山推出一款可以海陸兩用嘅巴士作海上觀光用途，「海陸兩用巴士」顧名思義就係可以喺海上同陸上行駛，對於釜山呢個近海嘅城市嚟講非常適合。

Photo from 부산일보

釜山市政府早前已經喺海雲台區同水營區一帶進行咗海陸兩用巴士嘅試行儀式，最快喺明年會於水營江與廣安里海水浴場一帶開通呢條海陸路線。

Photo from 부산일보

Photo from 부산일보

目前釜山市政府淨係構思緊海雲台路線，由釜山市立美術館出發，喺遊艇競技場開始海上路線，喺海上經過水營江後返回陸地，途經海雲台電影街、廣安大橋、廣安海邊路及民樂水邊路，終點返回釜山市立美術館。陸上路線大概 17 km，海上航路大概 6 km，費用係每人 25000 韓幣（約港幣 $175）。

Photo from 매일경제

Photo from 매일경제

如果海陸兩用巴士真係成功開通，除咗對釜山嘅觀光事業帶嚟好處外，都可以分散陸上交通，解決交通擠塞問題。小編都好想之後去釜山可以坐吓水上巴士啊～

Photo from 부산일보

資料來源：부산일보、매일경제

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）