煲仔飯食譜｜逸東軒大廚教煮豉椒排骨煲仔飯 點揀靚排骨？

煲仔飯最適合天氣轉涼的時候享用，今集《師傅煮場》請來逸東軒行政總廚譚棟，由挑選排骨開始至秘製煲仔飯豉油，譚棟師傅將會慢慢教路，不用一小時就可以歎到大師級豉椒排骨煲仔飯。

豉椒排骨煲仔飯｜排骨一定要挑選腩排，因為腩排位置肥瘦均勻，食落才有咬口，而且肉味甘香。排骨洗淨後，以原粒豆豉、蒜頭、紅椒、蠔油、糖、生粉及生抽醃製，醃至20至30分鐘便可以。

煲仔飯最怕煮到飯粒不夠分明，所以水與米的比例相當重要。譚棟師傅表示，把白米略略洗乾淨後，開始煮時，瓦煲內的水一定要煮滾，煮滾後才可放入白米，水與米的份量大概1:1即可。另一要訣則是，下米後快速用筷子弄散米粒，免得米粒焦燶。

飯粒的水分收乾後，開蓋將排骨平均地鋪在飯面，然後封蓋繼續煮多10至15分鐘，期間不要揭開煲蓋，以便影響煲仔飯的口感。

另一要訣，大家喜歡添加煲仔飯豉油，譚棟師傅指，用蒸魚豉油、老抽及花生油即可，蒸魚豉油味道鮮甜，可取替加糖做法。

說時遲那時快，最簡單的豉椒排骨煲仔飯，馬上完成！

豉椒排骨煲仔飯詳細食譜

材料
排骨 300克
米 1量杯
水 1量杯
豆豉 1湯匙
蒜蓉 1湯匙
辣椒 1至2條
糖 1茶匙
生抽 1茶匙
生粉 1茶匙
蠔油 1茶匙

煲仔飯豉油
老抽 2湯匙
蒸魚豉油 3湯匙
花生油 1茶匙

1. 排骨洗淨後，用廚房紙印乾，以豆豉、蒜頭、紅椒、蠔油、糖、生粉及生抽醃製，醃至20至30分鐘。
2. 把白米略略洗乾淨後，水必須煮滾，才可加入白米。
3. 加入白米後，快速用筷子弄散米粒，免得米粒焦燶。
4. 以大火煮飯約10分鐘後，然後放入排骨煮多10至15分鐘，期間不要揭開煲蓋。
5. 自製煲仔飯豉油（以老抽、蒸魚豉油及花生油攪勻即可）

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）