江𤒹生AK新歌MV被質疑抄襲Jungkook 本尊發火反擊：明目張膽地亂咁噏！

By Macy Sun on 23 May 2025

Digital Editor

男團MIRROR成員江𤒹生Anson Kong（AK）新歌《心死了幾百次》MV日前上架，當中內容講述AK靈魂出席自己喪禮。然而MV中瞓棺材一幕，近日就被網友出Po狙擊指有抄襲韓國天團防彈少年團（BTS）成員Jungkook《Seven》MV之嫌，而帖文結果亦引來AK本尊親自發火回應反擊！

AK新歌MV瞓棺材被質疑抄襲

Photo from MV截圖

Photo from Threads圖片

AK新歌《心死了幾百次》MV日前上架，怎料MV中一幕瞓棺材的畫面被網民質疑有抄襲之嫌，有網友在Threads上激動出Po指：「上次抄完Jungkook 《Standing next to you》，今次就抄《Seven》瞓棺材，點解可抄到咁明目張膽？仲要次次抄同一個人同一隻碟第二張相嗰個都係Anson Kong嚟，唔好誤會」怎料就引來AK本尊親自回應：「你都明目張膽地亂咁噏咁我點解唔可以明目張膽地做自己喜歡嘅事情」

AK與網友火藥味極濃

Photo from MV截圖

Photo from Threads圖片

然而該名網友亦未有就此罷休，反而繼續留言指：「你喺演唱會都唱過JK首歌，有睇過佢啲MV，你鬧我亂up冇問題，你鬧我定叫班fans嚟鬧我都唔介意，你同你隊crew過到自己良心就得問心，我對你個人冇意見，但做得藝人，做得創作，reference咗幾多，條界線喺邊，如果真係有心做創作嘅必須要搞清楚。希望你明白我講緊乜。」見此AK亦有再反擊留言：「你嘅意見我已經接收到呢度有一拃沙送畀你」

網友反應兩極

Photo from IG圖片

AK與網友極濃火藥味的對話引起了不少關注，有人力撐AK：「老闆，皆因有呼吸都係抄咗了」、「支持AK，鏡做乜都有罪比人鬧，嗰啲韓粉都有病」、「唔好理啲廢噏人講嘢！繼續做自己喜歡嘅事」、「唔知你真係army定咩但唔好亂噏引戰啦」等。但同時亦有人支持網友的說法：「Mirror又唔係第一日抄，不意外」、「佢哋發現，原來抄人可以令自己有更多人識⋯⋯#正所謂黑紅都係紅」、「驚你哋唔知係致敬」等。